Songtexte Nishan Bhi Koi Na - Mehdi Hassan

نشاں بھی کوئی نہ چھوڑا کہ دل کو سمجھائیں
تِری تلاش میں جائیں تو ہم کہاں جائیں
نشاں بھی کوئی نہ چھوڑا کہ دل کو سمجھائیں
تِری تلاش میں جائیں تو ہم کہاں جائیں
نشاں بھی کوئی نہ چھوڑا...

او جانے والے، یہ دل تجھ سے بد گماں بھی نہیں
او جانے والے، یہ دل تجھ سے بد گماں بھی نہیں
لگی ہے آگ نشیمن میں اور دھواں بھی نہیں

یہی نصیب میں لکھا تھا، گھٹ کے مر جائیں
تِری تلاش میں جائیں تو ہم کہاں جائیں
نشاں بھی کوئی نہ چھوڑا...

سنائیں حال کسے جب وہ رازداں نہ ملا
سنائیں حال کسے جب وہ رازداں نہ ملا
خوشی ملی تو بہاروں کا وہ سماں نہ ملا

یہی تھی ایک تمنا کہ تجھ کو اپنائیں
تِری تلاش میں جائیں تو ہم کہاں جائیں
نشاں بھی کوئی نہ چھوڑا...

اجڑ گئی ہیں تمنائیں تیرے جانے سے
اجڑ گئی ہیں تمنائیں تیرے جانے سے
گلا خدا سے کریں یا کریں زمانے سے

غمِ جدائی، بتا، آج کس سے ٹکرائیں
تِری تلاش میں جائیں تو ہم کہاں جائیں
نشاں بھی کوئی نہ چھوڑا کہ دل کو سمجھائیں
تِری تلاش میں جائیں تو ہم کہاں جائیں
نشاں بھی کوئی نہ چھوڑا...