Lyrics and translation Brijesh Shandilya - Hanuman Chalisa Superfast

Hanuman Chalisa Superfast

श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
बुद्धिहीन तनु जानिके सुमिरौं पवन-कुमार ।
बल बुधि बिद्या देहु मोहिं हरहु कलेस बिकार ॥
॥चौपाई॥
जय हनुमान ज्ञान गुन सागर ।
जय कपीस तिहुँ लोक उजागर ॥१॥
राम दूत अतुलित बल धामा ।
अञ्जनि-पुत्र पवनसुत नामा ॥२॥
महाबीर बिक्रम बजरङ्गी ।
कुमति निवार सुमति के सङ्गी ॥३॥
कञ्चन बरन बिराज सुबेसा ।
कानन कुण्डल कुञ्चित केसा ॥४॥
हाथ बज्र औ ध्वजा बिराजै ।
काँधे मूँज जनेउ साजै ॥५॥
सङ्कर सुवन केसरीनन्दन ।
तेज प्रताप महा जग बन्दन ॥६॥
बिद्यावान गुनी अति चातुर ।
राम काज करिबे को आतुर ॥७॥
प्रभु चरित्र सुनिबे को रसिया ।
राम लखन सीता मन बसिया ॥८॥
सूक्ष्म रूप धरि सियहिं दिखावा ।
बिकट रूप धरि लङ्क जरावा ॥९॥
भीम रूप धरि असुर सँहारे ।
रामचन्द्र के काज सँवारे ॥१०॥
लाय सञ्जीवन लखन जियाये ।
श्रीरघुबीर हरषि उर लाये ॥११॥
रघुपति कीह्नी बहुत बड़ाई ।
तुम मम प्रिय भरतहि सम भाई ॥१२॥
सहस बदन तुह्मारो जस गावैं ।
अस कहि श्रीपति कण्ठ लगावैं ॥१३॥
सनकादिक ब्रह्मादि मुनीसा ।
नारद सारद सहित अहीसा ॥१४॥
जम कुबेर दिगपाल जहाँ ते ।
कबि कोबिद कहि सके कहाँ ते ॥१५॥
तुम उपकार सुग्रीवहिं कीह्ना ।
राम मिलाय राज पद दीह्ना ॥१६॥
तुह्मरो मन्त्र बिभीषन माना ।
लङ्केस्वर भए सब जग जाना ॥१७॥
जुग सहस्र जोजन पर भानु ।
लील्यो ताहि मधुर फल जानू ॥१८॥
प्रभु मुद्रिका मेलि मुख माहीं ।
जलधि लाँघि गये अचरज नाहीं ॥१९॥
दुर्गम काज जगत के जेते ।
सुगम अनुग्रह तुह्मरे तेते ॥२०॥
राम दुआरे तुम रखवारे ।
होत न आज्ञा बिनु पैसारे ॥२१॥
सब सुख लहै तुह्मारी सरना ।
तुम रच्छक काहू को डर ना ॥२२॥
आपन तेज सह्मारो आपै ।
तीनों लोक हाँक तें काँपै ॥२३॥
भूत पिसाच निकट नहिं आवै ।
महाबीर जब नाम सुनावै ॥२४॥
नासै रोग हरै सब पीरा ।
जपत निरन्तर हनुमत बीरा ॥२५॥
सङ्कट तें हनुमान छुड़ावै ।
मन क्रम बचन ध्यान जो लावै ॥२६॥
सब पर राम तपस्वी राजा ।
तिन के काज सकल तुम साजा ॥२७॥
और मनोरथ जो कोई लावै ।
सोई अमित जीवन फल पावै ॥२८॥
चारों जुग परताप तुह्मारा ।
है परसिद्ध जगत उजियारा ॥२९॥
साधु सन्त के तुम रखवारे ।
असुर निकन्दन राम दुलारे ॥३०॥
अष्टसिद्धि नौ निधि के दाता ।
अस बर दीन जानकी माता ॥३१॥
राम रसायन तुह्मरे पासा ।
सदा रहो रघुपति के दासा ॥३२॥
तुह्मरे भजन राम को पावै ।
जनम जनम के दुख बिसरावै ॥३३॥
अन्त काल रघुबर पुर जाई ।
जहाँ जन्म हरिभक्त कहाई ॥३४॥
और देवता चित्त न धरई ।
हनुमत सेइ सर्ब सुख करई ॥३५॥
सङ्कट कटै मिटै सब पीरा ।
जो सुमिरै हनुमत बलबीरा ॥३६॥
जय जय जय हनुमान गोसाईं ।
कृपा करहु गुरुदेव की नाईं ॥३७॥
जो सत बार पाठ कर कोई ।
छूटहि बन्दि महा सुख होई ॥३८॥
जो यह पढ़ै हनुमान चालीसा ।
होय सिद्धि साखी गौरीसा ॥३९॥
तुलसीदास सदा हरि चेरा ।
कीजै नाथ हृदय महँ डेरा ॥४०॥
॥दोहा॥
पवनतनय सङ्कट हरन मङ्गल मूरति रूप ।
राम लखन सीता सहित हृदय बसहु सुर भूप ॥

Hanuman Chalisa Superfast

Sri Guru Charan Saroj Raj Nij Manu Mukuru Sudhari.
Baranoun Raghubar Bimla Jasu Jo Dayaku Phal Chari.
Buddhiheen Tanu Janike Sumiraoun Pavan-Kumar.
Bal Budhi Vidya Dehu Mohim Harhu Kales Bikar.
॥Chaupai॥
Jay Hanuman Gyan Gun Sagar.
Jay Kapis Tihuun Lok Ujagar.
Ram Dhoot Atulit Bal Dhaama.
Anjani-Putra Pavansut Nama.
Mahabeer Vikrama Bajranghi.
Kumati Nivaar Sumati Ke Sanghi.
Kanchan Varan Viraj Subesa.
Kanan Kundal Kunchit Kesa.
Hath Bajra Au Dhvaja Virajai.
Kandhe Moondh Janeu Sajai.
Sankar Suvan Kesarinandan.
Tej Pratap Maha Jag Bandan.
Vidyaavan Guni Ati Chatur.
Ram Kaj Karibe Ko Atur.
Prabhu Charitra Sunibe Ko Rasia.
Ram Lakhan Sita Man Basiya.
Sukshma Roop Dharhi Siyihin Dikhava.
Vikata Roop Dharhi Lank Jarava.
Bheem Roop Dharhi Asur Sanhare.
Ramchandra Ke Kaj Sanvare.
Lay Sanjeevan Lakhan Jiyaye.
Shri Raghubeer Harashi Ur Laye.
Raghupati Kihi Ni Bahut Barai.
Tum Mam Priy Bharatahi Sam Bhai.
Sahas Badan Tuhamaro Jas Gavaen.
As Kahi Shripati Kanth Lagavaen.
Sankadik Brahmadi Munisa.
Narad Sarad Sahit Ahisa.
Jam Kuber Digpal Jahan Te.
Kabi Kobid Kahi Sake Kahaan Te.
Tum Upkar Sugreevihin Kihna.
Ram Milaay Raj Pad Dihna.
Tuhamo Mantra Bibhishan Mana.
LankeSvara Bhaye Sab Jag Jana.
Jug Sahasra Jojan Par Bhanu.
Liyyo Tahi Madhur Phal Janu.
Prabhu Mudrika Meli Mukh Maahin.
Jaladhi Langhhi Gaye Acharaj Nahin.
Durgam Kaj Jagat Ke Jete.
Sugam Anugrah Tuhamare Tete.
Ram Duare Tum Rakhavaare.
Hot Na Aajna Binu Paisaare.
Sab Sukh Lhai Tuhaari Sarna.
Tum Rachchak Kahoo Ko Dar Na.
Apan Tej Sahmaaro Aape.
Tino Lok Haan Te Kaampae.
Bhoot Pisach Nikat Nahi Aavai.
Mahabeer Jab Naam Sunavai.
Naasai Rog Harai Sab Peera.
Japat Nirantar Hanumat Beera.
Sankat Ten Hanuman Chudavai.
Man Kram Bachan Dhyan Jo Lavai.
Sab Par Ram Tapaswi Raja.
Tin Ke Kaj Sakal Tum Saja.
Aur Manoroth Jo Koi Lavai.
Soi Amit Jeevan Phal Pavai.
Charon Jug Prataap Tuhaara.
Hai Parsiddha Jagat Ujiyara.
Sadhu Sant Ke Tum Rakhavaare.
Asur Nikandan Ram Dulhare.
Ashtasiddhi Nau Nidhi Ke Data.
As Bar Din Janaki Mata.
Ram Rasayan Tuhamare Pasa.
Sada Raho Raghu Pati Ke Dasa.
Tuhamare Bhajan Ram Ko Pavai.
Janam Janam Ke Dukh Bisravaai.
Ant Kaal Raghuvar Pur Jai.
Jahan Janma Hari Bhakt Kahai.
Aur Devata Chitt Na Dharai.
Hanumat Sei Sarba Sukh Karai.
Sankat Katai Mitai Sab Peera.
Jo Sumirai Hanumat Balbeera.
Jay Jay Jay Hanuman Gosain.
Kripa Karahu Gurudev Ki Nain.
Jo Sat Bar Path Kar Koi.
Chhoothi Bandi Maha Sukh Hoi.
Jo Yah Padhai Hanunan Chalisa.
Hoy Siddhi Sakhi Gauri Sa.
Tulsidas Sada Hari Chera.
Ki Jai Nath Hriday Mahan Dera.
॥Doha॥
Pavan Tanay Sankat Haran Mangal Murati Roop.
Ram Lakhan Sita Sahit Hriday Basahu Sur Bhoop.