Lyrics Ağ Çiçək - Elmira Rəhimova

Səhər çağı göy meşədən
Dərdik səni, ağ çiçək
Bəyaz-bəyaz varaqlara
Sərdik səni, ağ çiçək

Birdən-birə ağ əllərdə
Təzələşdin, ağ çiçək
Ağ əllərdə elə bil ki
Ağ atəşdin, ağ çiçək

Bu gün başqa bir çəməndə
Gördüm səni, ağ çiçək
Ağ əllərin hərarəti
Yoxmu səndə, ağ çiçək?

Soyuq-soyuq boylanırsan
Söylə neçin, ağ çiçək?
De, səndəmi həsrətlisən
Ağ əllərçin, ağ çiçək?

Soyuq-soyuq boylanırsan
Söylə neçin, ağ çiçək?
De, səndəmi həsrətlisən
Ağ əllərçin, ağ çiçək?