paroles de chanson Wey Sikay - Hamelmal Abate

በነፋሻው አየር ወጥቼ ስጓጓዝ ቆንጆን አይቼ
ጠጋ አልኩኝ ተረትቼ የረጋ አንደበቱን ሰምቼ
ያን ጣፋጭ ከንፈሩን ቀምሼ
ገባሁ ቤቴ ተመልሼ

ከዛ ከራሱ አድራሻውን ጠይቄ
ወዲያው መግቢያና መውጫውን አውቄ
ባካል ባሳብ ላልለየው ወስኜ
በቃ ተጠቃለልኩለት ታምኜ
መደበቅ ተስኖኝ የልቤን ትርታ
ራሴን አስረከብኩት ባንድ ቀን እይታ

በሀሳብ አጓጉሎ አድርሶ መላሹ
ገዝግዞ አደንዝዞ ገላ አካል ጨራሹ
እያለ ትዝታው በለሊት ደራሹ
ኧረ እንዴት ይመቸን አልጋና ፍራሹ

ወይ ስቃይ ለሊቱም አይነጋ አሀ አሀ በወግ አይመሽ ቀኑ
ወይ ስቃይ እንኳን ቀርቶ ሲቆይ አሄ አሄ አይጣል ሰቀቀኑ
ወይ ስቃይ የጀምር መጥለቂያው አሀ አሀ ሲድስርማ ጊዜ
ወይ ስቃይ እኔው ነኝ መስፈሪያው አሀ አሀ የሀሳብ የትካዜው

ባካል በሀሳብ አትለየኝ አለሜ
ሳጣህ ጭንቀት ይከበኛል በቁሜ
ሳቁን ጨዋታውን ለምዷል ጎጆዬ
ላጣው አልሻም ሽቁጥቁጥ ቆንጆዬ
ሲቀር ተናፋቂ በሀሳብ አስጨናቂ
ይምጣልኝ የልቤ የኔ ህይወት አድማቂ

ወይ ስቃይ ለሊቱም አይነጋ አሀ አሀ በወግ አይመሽ ቀኑ
ወይ ስቃይ እንኳን ቀርቶ ሲቆይ አሄ አሄ አይጣል ሰቀቀኑ
ወይ ስቃይ የጀምር መጥለቂያው አሀ አሀ ሲድስርማ ጊዜው
ወይ ስቃይ እኔው ነኝ መስፈሪያው አሄ አሄ የሀሳብ የትካዜ
ወይ ስቃይ ወይ ስቃይ