paroles de chanson Kannin Maniye - K. S. Chithra , Anup Rubens

கண்ணின் மணியே கண்ணீர்த் துளிகள் சிந்திடவேண்டாம்
நான் காற்றாய் மாறிக் கன்னம் துடைப்பேன் கலங்கிடவேண்டாம்

கண்ணின் மணியே கண்ணீர்த் துளிகள் சிந்திடவேண்டாம்
நான் காற்றாய் மாறிக் கன்னம் துடைப்பேன் கலங்கிடவேண்டாம்
தூரம் நம்மைத் துண்டித்தாலும் காதல் கெடுமா
ஒரு விளக்கை யாரும் திருடிக்கொண்டால்
விடியல் என்ன தள்ளிப்போகுமா

உனக்காகவே உனக்காகவே
உயிர்வாழ்வதே உனக்காகவே
கைநீட்டிக் கேட்டேன் அன்பே
நீ ஒரு கரையில் நான் ஒரு கரையில்
நதியாய் மாறி என்னை சேரவா

கண்ணின் மணியே கண்ணீர்த் துளிகள் சிந்திடவேண்டாம்
நான் காற்றாய் மாறிக் கன்னம் துடைப்பேன் கலங்கிடவேண்டாம்

நீதானே என் சுவாசமே
நான் மூச்சின்றி வாழ்வது முறையா
நீதான் என் சந்தோஷமே
என் சந்தோஷம் அழுவது சரியா

என்னாலே தீரும் உந்தன் பாரம்
உன் வானம் தொட்டுவிடும் தூரம்
ஒரு சொட்டுப் புன்சிரிப்புப் போதும்
என் கால்கள் வானம் கூடத் தாண்டும்

கடல் எல்லாம் காய்ந்தாலும்
காயாது நம் காதல்
ஜகம் அழிந்தாலும் யுகம் முடிந்தாலும்
கால எல்லை தாண்டி வாழுமே

உனக்காகவே உனக்காகவே
உயிர்வாழ்வதே உனக்காகவே
கைநீட்டிக் கேட்டேன் அன்பே
நீ ஒரு கரையில் நான் ஒரு கரையில்
நதியாய் மாறி என்னை சேரவா

காற்றோடு உடல் வாங்கியே
கண்ணா நான் பறந்தோடி வரவா
தூரங்கள் துடைத்தோடி வா
என் தொடுவானே என்னைத் தொட வா

என் கால்கள் எட்டுவைக்கும்போது
கடல் கூடக் கால்வாயாகும் பாரு
நம் காதல் எல்லை தாண்டும்போது
சீனத்து சுவரும் சின்ன கோடு

தீ என்னைச் சுட்டாலும்
திசை எல்லாம் செத்தாலும்
உன்னுயிர் காக்க என்னுயிர் தந்து
காதலன் மார்பில் கண்கள் மூடுவேன்

உனக்காகவே ஓ உனக்காகவே
உனக்காகவே உனக்காகவே
உன் காயம் ஆறும் என்றால்
மண்வெளி தாண்டி விண்வெளி ஏறி
விண்மீன் பிரிந்து மருந்து பூசுவேன்
பூசுவேன் பூசுவேன்