paroles de chanson A3radh Ensihab - محمد القحطاني

الفراق بيهد ويعلّم .
اي اعراض انسحاب بتسيب اثر .
و اللي حب التاني اكتر .
هو اكتر حد ف البعد انكسر .

و الحياة دايما بتتغير .
كل فترة بيبقى ليها ناس جداد .
لكن انت سبت فيّا حب عاش .
جوايا حتى في البعاد .

بقول فترة و هتعدي . مابتعديش .
مكمل ف الحياة تايه ماليش اهداف .
بقول مابخفش من فكرة ماترجعليش .
و لما اتخييل الفكرة حقيقي بخاف .

ماتتعوضش ايامك ب ناس تانيين .
مافيش مهرب ينسيني اللي عشته معاك .
عملت كتير عشان مايكونش فيا حنين .
فشلت ف كل حاجة حاولت بيها انساك .

كل يوم بيفوت بتوحشني.
اي حد يشوفني يسألني عليك .
بس بهرب من اجابتي.
و اعمل اني نسيت ومابفكرش بيك.

ذكريات بتجيب و بتودي .
مش ملاحق انسى ايه انا ولا ايه .
و النتيجة ف النهاية .
هيا هيا البعد مش قادر عليه .