Текст песни Gize Mizan - Hamelmal Abate

አወይ ጊዜ አወይ ጊዜ
አወይ ጊዜ ጊዜ ደራሽ
መንገደኝ ሁሌ ገስጋሽ
አወይ ጊዜ አወይ ጊዜ
አወይ ጊዜ ጊዜ ደራሽ
መንገደኝ ሁሉን ታጋሽ
ጊዜ ደፋር ጊዜ አይፈሬ
ጊዜ ሚዛን አይቸኩሌ
ትላንት ዛሬም ነገም ሁሌም

ለተቀበረች ሀቅ ቋጥኝ የተጫናት
አራሙቻ ዉሸት አረም የሸፈናት
ቋጥኙን ፈልቅቆ አረሙን አርሞ
ያወጣት ጊዜ ነዉ ለጠበቀ ቆሞ
ለጠበቀ ቆሞ

አሁን ዛሬ የሞላለት የደመቀዉ ያማረበት
ሲያድር ነገ ይረገጣል የቀን ፅዋ ሲጐልበት
በዉሎ አዳር በሂደቱ ሁሉም ነገር ይለወጣል
ጊዜ ካለ ሳይቻኰል ለእያንዳንዱ ፍርድ ይሰጣል

ጊዜ ተንታኝ ጊዜ አደራጅ
ጊዜ ዳኛ ጊዜ ፈራጅ
ጊዜ ሰፊዉ ጊዜ ታጋሽ
ምስክር ነዉ ጊዜ ነጋሽ
ጊዜ ነጋሽ ጊዜ ወቃሽ
ትላንተ ዛሬ ነገም ሁሌም

አወይ ጊዜ አወይ ጊዜ
አወይ ጊዜ ጊዜ ደራሽ
መንገደኝ ሁሌ ገስጋሽ
አወይ ጊዜ አወይ ጊዜ
አወይ ጊዜ ጊዜ ደራሽ
መንገደኝ ሁሉን ታጋሽ
ጊዜ ደፋር ጊዜ አይፈሬ
ጊዜ ሚዛን አይቸኩሌ
ትላንት ዛሬም ነገም ሁሌም

ዛሬ ነገን ባይወልድ እንደቆመ ቢቀር
ሐሰት በምድሪቱ በነገሰ ነበር
ይህ የአሁኑ ስራ የዛሬዉ ተገብሮ
ማን ይገልጠዉ ነበር ጊዜ ባይኖር ኖሮ
ጊዜ ባይኖር ኖሮ

አያጋድል አያዛባ ህይወት ዉሉን መቼ ይስታል
የሰዉ ስራዉ ተመዝኖ ቀን ጠብቆ ይከሰታል
ጊዜ እንደሰዉ በማንነት አበላልጦ መች የዳላል
ሁሉም ፍጡር በተግባሩ እንደ ስራዉ ይታደላል

ጊዜ ገስጋሽ ጊዜ ደራሽ
ጊዜ ሚዛን ጊዜ ታጋሽ
ጊዜ ደፋር ጊዜ ደራሽ
ምስክር ነዉ ጊዜ ነቃሽ
ጊዜ ወቃሽ ጊዜ ነቃሽ
ትላንት ዛሬ ነገም ሁሌ