Текст песни Bujhi Hui Shama Ka Dhuan Hoon - Nusrat Fateh Ali Khan

Hum Apni Shaam Ko Jab Nazar E Jaam Kartay Hein
Adab Say Hum Ko Sitaray Salaam Kartay Hein
Saja'ain Kiyoon Na Isay Yeah Sara'ay Hai Dil Ki
Yahaan Haseen Musafir Qayam Kartay Hein
Dil Ko Kaisay Bata Tasalli Doon
Chain Is Ko Agar Nahi Aata
Chashm E Purnam Ko Kaisay Samjhaoon
Is Ko Agar Tu Nazar Nahi Aata
Bujhi Howi Shama Ka Dhuwaan Hoon
Aur Apnay Markaz Ko Ja Raha Hoon
Ke Dil Ki Hasrat To Mit Chuki Hai
Ub Apni Hasti Mita Raha Hoon
Teri Hi Soorat K Daikhnay Ko
Butoon Ki Tasveerin La Raha Hoon
Ke Khoobiyaan Sub Ki Jama Ker Ke
Tera Tasawwar Jama Raha Hoon
Kafan Mein Khudh Ko Chupa Dia Hai
Ke Tujh Ko Parday Ki Ho Na Zehmat
Naqaab Apne Liyeah Bana Ker
Hijaab Tera Utha Raha Hoon
Muhabbat Insaan Ki Hai Fitrat
Kahaan Hai Imkaan E Tark E Ulfat
Woh Aur Bhi Yaad Aa Rahay Hein
Mein Un Ko Jitna Bhula Raha Hoon
Zubaan Pay Labaik Her Nafaz Mein
Jabeen Pay Sajda Hai Her Qadam Pay
Yoon Ja Raha But-Kaday Ko Natik
Ke Jaisay Kaa'bay Ko Ja Raha Hoon
Bujhi Howi Shama Ka Dhuwaan Hoon
Aur Apnay Markaz Ko Ja Raha Hoon