Текст и перевод песни Sergio Bruni - LoGuarracino

LoGuarracino

A lu Guarracino che jeva pe' mare
Le venne voglia de se 'nzorare,
Se facette 'nu bello vestito
De spine e de scarde pulito pulito
Cu 'na perucca tutta 'ngrifata
De ziarelle 'mbrasciolata,
Co lo sciabò scolla e puzine
De ponte angrese fine fine.
Doje belle cateniglie,
De premmone de conchiglie,
'Nu cappiello aggallonato
De codarino d'aluzzo salato
Tutto posema e steratiello,
Jeva facenno lo sbafantiello,
E girava de ccà e de llà:
La 'nnammorata pe' se truva'.
La Sardella a lu balcone
Jeva sonanno l calascione;
E a suono de trommetta
Jeva cantanno 'st'arietta:
"E llarè lo mare e lena
E la figlia d"a siè Lena,
Ha lasciato lo 'nnammorato
Pecché niente l'ha rialato".
Lo Guarracino che la guardaje
De la sardella s' annammoraje;
Se ne jette da 'na Vavosa
La cchiù vecchia e maleziosa;
L'ebbe bona rialata
Pe' mannarle la 'mmasciata;
La Vavosa pisse pisse
Chiatto e tunno 'nce lo disse.
Ma la sardella ch"a sentette
Rossa rossa se facette,
Pe' lo scuorno che se pigliaje
Sotto a 'no scuoglio se 'mpezzaie;
Ma la vecchia de vava Alosa
Subete disse - Ah schefenzosa!
De 'sta manera non truove partito
'Ncanna te resta lu marito.
Si aje voglia de t'alloca'
Tante smorfie non aje da fa',
Fora le zeze e fora lo scuorno
Anema e core e faccia de cuorno.
Ciò sentenno la zì Sardella
S'affacciaje a la fenestrella,
Facette 'n'uocchio a zennariello
A lo speruto 'nnammoratiello.
Ma la Patella che steva de posta
La chiammaje faccia tosta,
Tradetora, sbrevognata,
Senza parola, male nata,
Ch'avea 'nchiantato l'Allitterato
Primmo e antico 'nnammorato:
De carrera da chisto jette
E ogni cosa 'lle dicette.
Quanno lo 'ntise lo poveriello
Se lo pigliaje Farfariello,
Jette a casa s'armaje e rasulo
Se carrecaje comm'a 'no mulo,
De scoppette e de spingarde,
Povere, palle stoppa e scarde;
Quatto pistole tre bajonette
Dint'a la sacca se mettette.
'Ncopp"e spalle sittanta pistune
Ottanta bombe e ciento cannune;
E comm'a guappo Pallarino
Jeva cercanno lo Guarracino:
La disgrazia a chisto portaje
Che mmiezo a la chiazza te lo 'ncontraje
Se l'afferra p"o cruvattino
E po' lle dice: - Ah malandrino!
Tu me lieve la 'nnammorata
E pigliatella chesta mazziata.
Tuppete e tappete a meliune
Le deva paccare e secuzzune,
Schiaffe, ponie e perepesse
Scoppolune, fecozze e cunnesse,
Sceverechiune, sicutennosse
E ll'ammaccaie osse e pilosse.
Venimmoncenne ch'a lo rummore
Pariente e amice ascettere fore,
Chi co mazze, cortielle e cortelle,
Chi co spate, spatune e spatelle,
Chiste cu barre e chille cu spite,
Chi co ammennole e chi cu antrite,
Chi cu tenaglie e chi cu martielle,
Chi cu turrone e susamielle.
Patre, figlie marite e mugliere
S'azzuffajeno comm'a fere.
A meliune currevano a strisce,
De 'stu partito e de chillo li pisce,
Che bediste de sarde e d'alose,
De palaje e raje petrose,
Sareche, dientece ed achiate,
Scurme, tunne e alletterate!
Treglie, tremmole, trotte e tunne,
Fiche, cepolle, launne e retunne;
Purpe, secce e calamare,
Pisce spate e stelle de mare,
Pisce palumme e piscatrice
Voccadoro e cecenielle,
Capochiuove e guarracine,
Cannolicchie, òstreche e ancine.
Vongole, cocciole e patelle,
Pisce cane e grancetielle.
Spinole, spuonole, sierpe e sarpe,
Scauze, 'nzuoccole e colle scarpe,
Sconciglie, àmmere e ragoste,
Vennero 'nfino colle poste...
Muorze e pizzeche a beliune!
A delluvio li secozzune!
Non ve dico che bivo fuoco
Se faceva per ogne luoco!
Ttè, ttè, ttè, ccà pistulate!
Ttà, ttà, ttà, llà scuppettate!
Ttù, ttù, ttù, ccà li pistune!
Bù, bù, bù, llà li cannune!
Pistulate, scuppettate,
Li pistune, li cannune... Ah...
Ma de canta' so' già stracquato,
E me manca mò lo sciato;
Sicché, dateme licenza,
Graziosa e bella audienza,
'Nfì che sorchio 'na meza de seje,
Co' salute de luje e de leje,
Ca me se secca lo cannarone
Sbacantannose lo premmone.

The Guarracino

To the Guarracino who sailed the seas
Came the desire to take a wife,
He fashioned himself a handsome suit
Of thorns and thistles, clean and neat,
With a wig all disheveled and gray
Of sea anemones intertwined,
With a jabot of scales and sea snails,
Of the finest English lace.
Two beautiful necklaces,
Of clam shells as pendants,
A hat adorned with feathers
Of salted lizard tail,
All perfumed and elegant,
He went about making a spectacle,
And he wandered here and there:
To find a sweetheart for himself.
The Sardine on her balcony
Was playing her guitar;
And to the sound of a trumpet
She sang this little song:
"The sea sighs and groans
And the daughter of Lady Lena,
Has left her lover
Because he gave her nothing."
The Guarracino who looked at her
Fell in love with the Sardine;
He went to a Shad,
The oldest and most mischievous;
He gave her a good reward
To send her the message;
The Shad, hush hush,
Quietly and secretly told her.
But the Sardine who heard it
Turned red as a beet,
For the shame she felt
She hid herself under a rock;
But the old Shad lady
Immediately said - Ah, silly girl!
In this way you'll never find a match
You'll remain a spinster.
If you want to get married,
You don't have to make so many faces,
Away with the airs and the shame
Heart and soul and a face of stone.
Hearing this, Lady Sardine
Appeared at the window,
She gave a sly glance
To the desperate little lover.
But the Limpet who was watching
Called her shameless,
Traitor, shameless,
Without a word, ill-born,
Who had abandoned the Anchovy
Her first and old love:
She ran to him
And told him everything.
When the poor fellow heard it
He was possessed by a devil,
He went home, armed himself and shaved
He loaded himself up like a mule,
With rifles and shotguns,
Gunpowder, bullets, wads and thistles;
He put four pistols and three bayonets
Into his bag.
On his shoulders seventy blunderbusses
Eighty bombs and a hundred cannons;
And like a brave paladin
He went looking for the Guarracino:
Misfortune led him
To meet him in the middle of the square
He grabbed him by the collar
And then said to him: - Ah, villain!
You take my beloved from me
And take this beating.
Punches and slaps by the millions
He gave him kicks and shakes,
Slams, punches and slaps,
Headbutts, figs and punches,
Kicks, shoves,
And he broke his bones and hairs.
Let us come to the point that at the noise
Relatives and friends came out,
Some with sticks, clubs and knives,
Some with swords, rapiers and daggers,
These with crowbars and those with spits,
Some with almonds and some with walnuts,
Some with pliers and some with hammers,
Some with nougat and sesame seeds.
Fathers, daughters, husbands and wives
Fought like wild animals.
They ran in droves,
The fish of this party and that,
What a sight of sardines and shads,
Of mullets and rock rays,
Mackerels, dentex and needlefish,
Scorpionfish, tuna and anchovies!
Red mullets, tremoli, trout and tuna,
Figs, onions, wool and turnips;
Octopuses, cuttlefish and squid,
Swordfish and starfish,
Gurnards and anglerfish
John Dory and rainbow wrasses,
Scorpionfish and wrasses,
Mantis shrimps, oysters and anchovies.
Clams, mussels and limpets,
Dogfish and small sharks.
Spiny lobsters, prawns, snakes and serpents,
Shoes, clogs and high heels,
Mussels, lobsters and lobsters,
They came even with the posts...
Bites and pinches by the millions!
A deluge of blows!
I won't tell you what a living fire
Was made everywhere!
Bang, bang, bang, here pistol shots!
Boom, boom, boom, there rifle shots!
Thud, thud, thud, here the blunderbusses!
Boom, boom, boom, there the cannons!
Pistol shots, rifle shots,
The blunderbusses, the cannons... Ah...
But I'm already tired of singing,
And now I'm out of breath;
So, give me leave,
Gracious and beautiful audience,
Until I drink half a liter of six,
With the health of you and yours,
Because my throat is drying up
From singing and straining my voice.