Lyrics Grell un laut - Brings

Vom Weste en die Stadt erin, wo die Kneipen voll mit Studies sin,
He beste met veezich ne ahle Mann,
Hinger'm Bahnhof-Süd fängk die Erinnerung an.
Comix, Luxor un Blue Shell, Näächte zwesche Himmel un Höll,
Nix op d'r Täsch, ävver en dicke Lippe.
"Ey, häste ens en Mark un am besten ne Kippe?"

Die Stadt, su grell un su laut,
Die Stadt, su herrlich versaut!
Die Stadt, du grell un su laut,
Die Stadt, su dreckich vertraut!

Alles es wie et immer wor, nor et Peppermint es nit mih do.
Do wo die Plaat jesesse hät,
Schwimmp en Fröhlingsroll em heiße Fett.
D'r Ring met singem Neonleech,
Dem jonn mer immer noch us'em Wääch,
Türsteher, Bulle, dat es nit uns Welt,
Die Venloer Stroß erus noh'm Ihrefeld.

Die Moschee us Beton un Jlas, unser Revier direk vür d'r Nas.
He rüsch et anders, he süht et anders us,
Mer believe op Kurs, immer jradus.
D'r Jödel es die magische Jrenz,
Hinger'm Bahndamm woren mer Pänz,
Edelweisspirate, nix es verjesse,
Die Stadt kapott un nix mih ze fresse.

Mer kumme immer, immer, immer – widder zoröck,
Denn mer sin immer, immer, immer – noch veröck...!

Vom Weste en die Stadt erin, wo die Kneipen voll mit Studies sin,
He beste met veezich ne ahle Mann,
Hinger'm Bahnhof-Süd fängk die Erinnerung an.

Mer kumme immer, immer, immer – widder zoröck,
Denn mer sin immer, immer, immer – noch veröck...!