Lyrics Bala Reesh - El Far3i

براقب من بعيد وشايفكم تعالوا بلا ريش أنتفكم
معاي انفصام اتفقوا، بتف أنا ضو فكاشفكم
براقب من بعيد وشايفكم تعالوا بلا ريش أنتفكم
معاي انفصام اتفقوا، بتف أنا ضو

نفسكم تتحدوا وبتضلوا فرادى
مالكمش تأثير هذا أثر الجرادة
مش الفراشة لا للأسف مش الفراشة
خلص مافيش مراعاة ومداداه
مفيش دعم مفيش إمدادات
انتوا مش بطريقي مافيش عداد
انا الشخص اللي لازم نتفادى
مش رح نصير أعداء في الكار عدّاء
تجاوزت عنكم بسرعة هائلة الآن خجلان العيب عداك
كنت أشيل وما زلت، سيراميك وبازلت
فرافير و Blackbelt عم بحس بال Guilt الآن
Til now تلميذ تلمود جلمود
Sick dude مصروع انا
صاحي ما بروق أنا
نايم ما بفوق انا
بنفس الوقت مشروع أنا
مش متأكد إنسان؟ جماد؟ نبات؟ أناناس؟ أنا كستنا؟
حيوان بالثلج لما الدنيا البرد
مستنيهم بالمرج اعطيني فرد
بن عامر بن عامل انا عندي سر
انا هادي بالعادة انا عامل شر
مسرحياتي اللي بخرجها عشان أعالجنا
أمور من الواقع بلكي الله بفرجها
بحكيها بوجهك عشان الي وجهة
عشان إلي منهج هيك بروجها

براقب من بعيد وشايفكم تعالوا بلا ريش أنتفكم
معاي إنفصام اتفقوا، بتف أنا ضو

محافظ على الimage لما الpause سمج
أغاني ولا راب؟ بالجوز دفش
بشيل عفش بجيب عفش
كنت أطلع أنعف كثير عفق
كبرنا كبرنا خلص بنفعش
خلص بدنا نعقل كثير Amish
صف الدبكة كثير خفش
هلكتني الجولة كثير بنامش
أبيض وأسود كثير نمش
ما في إشارة كثير غبش
أحدٌ أحد علي ضغط
ما بعطي ولا اسم لو بموت خبط
لو بمية النار منموت سمط
احنا عالقمة الArab Summit
هذول مش حكومات هذول معونات
انا أحد، ثلاثاء وشغال سبت
أحد هؤلاء واحد من هذول
One of those dudes اللي بيجي داخل بوز سكب
في كذا مشروع وأسلوب
انت بس يوتيوب ويادوب كلها فيوز شطب
كل يوم إثنين عطلة حلاقين
منقصص samples منوزع على الفنانين
زبلونا وطلعوا على قبرص عطلة حلاقين؟
المخرج بإجازة عطلة حلاقين
الراب فيتامين مش أمفيتامين هذا نبض الشارع
هذا أدرينالين الآن فاهمين ٢٠٠٢
علبتين ْXL منضل صاحيين
كل تدفقاتي تحرير جِنين
مشهد شغف وقلق استقبال جَنين
حب وغرام وانتقام وخرا
رومبا صحراء Beatbox وخبط
زومبي ماشي زي ما تقول تخت
خلص بطلت أجامل تمسحت
بعرفش شو اللي صار بجوز اكون كبرت
مع اني كنت اقول I have a young spirit
منيح فيي حيل am still spittin
برو شوفنا الويل كان كله حلم

براقب من بعيد وشايفكم تعالوا بلا ريش أنتفكم
معاي انفصام اتفقوا، بتف أنا ضو فكاشفكم
براقب من بعيد وشايفكم تعالوا بلا ريش أنتفكم
معاي انفصام اتفقوا، بتف أنا ضو