Lyrics OHJO - Kurt Ostbahn & Die Kombo

I schlof ganze sechs Stund durch
Tiaf und fest wia a Ratz
Wia i noch sovü Schlaf aufwoch
Is no ois aun sein Platz
Kana hod ma wos g'flaucht
Und niemand hod mi g'stessn
Ohjo - heit losst sa se guad au

Daunn schau i obe aus'm Fensta
Und muaß sogn tadellos
Sensationell wos si do
Draußt heit so scheibt
Es erschte Moi in dera Wochn
Dass ned schifft oda schneibt
Ohjo - heit losst sa se guad au

Oiso rasier i mi noss
Schau mi aun, dusch extra no koid
Und find: Dea wos di do aunschaut
Is do no ned so oid
Und unt auf da Gassn a neicha Ton
Zwischn Passant und Lenker
Wo's sunst bei mia vurm Haus
Brettln und glühn wia de Henker
A beim Bäckn kummt kan a schiachs Wuat aus
Ned ums vareckn
Sogoa da Postla kaunn griassn
Wia i eam triff vuan aun da Eckn
Ohjo - heit losst sa se guad au

Ohjo - heit losst sa se guad au

Oiso trink mein Kaffee
Und zwick dazua zwa Wachaua
Bin drauf sowas von fit
Dass i mi fiacht vua meina Power
Oiso moch i zwecks Relax
An klan Hatscher in Park, und sog
Ohjo - heit losst sa se guad au

Ka Hundsdreck auf'm Gehweg
Kane Oidn de plärrn
A ka G'schra von de Kinda
De beim Spün raunen statt rean
Und de Buschn und Bam
San so wia i grün, jung und stark
Ohjo - sog i do
I sog: Ohjo

I les in da Zeidung
De Kriag san vuabei
Und olle ham g'wunna
Wüs ned so recht glaubn
I wea ma daham in CNN vagunna
Weu waunn durt ka Kriag is
Dann bitte schön, wo?
Oba da CNN übatrogt mangels Krisen
Nua noch Taekwondo
Auch die Naturgewalt schweigt
Kein Vulkan, kein Tornado
Da Experte fürchtet auf Englisch
So wird uns boid fad do
Ohjo
Ohjo

Amoi schlof i sechs Stund durch
Tiaf und fest wia a Ratz
Und wia i noch sovü Schlaf aufwoch
Is no ois an sein Platz
Oiso greif i ma mein Griffl
Und diktier ma mein Tram
Ohjo, sog i ma au
Heit losst sa se guad au
I diktier ma
Ohjo, heit losst sa se guad au