Lyrics Ča Je Život Vengo Fantažija - Oliver Dragojević

To je bilo ka u priči,
Roko nije jema ništa
Cicibela još i manje
Ali jubav sve izlići, on je bija anarkista
Jemali su i kumpanje

To je bilo ka u priči,
Punoj lustri i friskina
Ma je isto priča prava
Čulo je grubih riči,
Bumbilo se puno vina
Bolila je di kog glava

Trči vrime, cvili maška, traje jubav pusta siromaška
Šaka suza, vrića smija,
ča je zivot vengo fantazija?

To je bilo ka u priči,
živili su ka golubi
I nosili svoje brime
S puno srca, s malo riči,
Goli, bosi, gladni, grubi
Volili se cilo vrime

To je bilo ka u priči,
Kad su bili puno idni
Bombe, raspe, livorvere
I josš druge strašne riči,
Vikali su oni bidni
Ma su prosli te nevere

Trči vrime, cvili maška,
Traje jubav pusta siromaška
Šaka suza, vriča smija,
ča je život vengo fantazija?

To je bilo ka u priči,
Malo sriće, puno jada,
Puno zime i propuva...
Ali jubav sve izliči,
Boje vengo sto balada,
Boje vengo štruca kruva.

To je bilo ka u priči,
Ma jih više ovod nima,
Na dnu mora su gajete...
Sve beštimje grube riči,
Sve je prošlo poput dima,
Vrime metlom sve pomete.

Trči vrime, cvili maška,
Traje jubav pusta siromaška.
Šaka suza, vriča smija,
ča je život vengo fantazija?
Šaka suza, vriča smija,
ča je život vengo fantazija?