Lyrics Rhyam - Oum

ليلة كاملة في احلامي سريت
فوق غيامي اليك مشيت
لقيتك نايم و قلبك فايق
من بكري اخباري و احوالي سايق
فايق يتبسم ـ يتبسم
حين ليه وصلت، حن فيا و قال لي
اش بغيتي يا اللي راعية السحاب
زيدي لعندي، سوليني نقول لك
قربت ليه، في وذنه وشوشته
من خوفي لا نفيق مولاه
عافاك يا قليب، عاود ليا
من عينيك الحال اللي ما يتعاود
اللي ما يتحكى، اللي ما يتفسر
الا بلسان قليب
القليب تبسم و خفق في يديا
شحنة مشاعر، صور، الوان
واصوات و سميات، و لغات و لهجات
و شموع ما تطفى، و ملح دموع
ما ذقته عمري ـ ما ذقته عمري
كلام القلب غريب
بلا ما نفهمه، نحس بيه قريب
كياني كله وذن، لكلام كيانك وطن
مصاب نعرف نسمعه بالفن
نخليه في فني، في فني يسكن