Lyrics Akaash Vani - Spitfire

Vayu ki bhanti ojhal sa hoon aankhon se
Magar ehsaas hai mera
Socho ki hoon hi nahin main, aur agar hoon bhi toh
Dhutkaarte raho aur dafna do mujhe antariksh mein kahin
Par tum jab tak saans lete rahoge main wahin milunga

Main marta rahunga
Main jeeta bhi rahunga
Main tairta rahunga kahin khaalipan mein
Jo khamoshi ki cheekhon se bhara hoga...
Har cheekh ehsaas karaayegi
Ki lautna hai uss kaaynaat mein
Jo kaaynaat main khud hoon
Na jaane main, ya phir ye kaaynaat hai bhi ya nahin?

Bas chalte ja raha hoon
Aur ab bhasm ho jaana tay hai
Par meri takmeel ki chaah teri kshay hai aur
Bas meri jai hai, Bas meri jai hai

Mujhe toh tum maar chuke ho
Magar main tumhe kahin amar kar aaya hoon
Aur main bolu ya nahin
Magar yeh shabd jo aksh hai
Mere sheeshe jaise chehre par chamakte huye

Bas kuch kehte rahenge
Bas kuch kehte rahenge
Bas kuch kehte rahenge