Lyrics Пӧртылам мӧҥгышкем - Эльфис Гараев

Пӧртылам мӧҥгышкем,
Эртыш тыште йоча пагытем.
Ужата шӱшпык сем
Суртышкем.
Аваем, ачаем,
Шукертсекак вученда толмем.
Тыланда, йывыртен,
Тауштем.
Кеч шукерте каенам тораш,
Шочмо верым огеш лий мондаш.
Улыда те пеленем,
Улыда те чоныштем,
Шергакан ешем.
Шарналтем ушан оет, авай,
Монден омыл сугынет, ачай.
Шӱмыштем эре ашнем,
Йоча годсо пагытем,
Весела жапем.
Вашлиеш аваем,
Шинчавӱдшым йыштак ӱштылеш,
Вӱчкалта ачаем,
Ӧндалеш.
Шӱшпык йӱкым колам,
Муралтале тудат куанен.
Таче мый пӧртылам
Мӧҥгышкем.
Кеч шукерте каенам тораш,
Шочмо верым огеш лий мондаш.
Улыда те пеленем,
Улыда те чоныштем,
Шергакан ешем.
Шарналтем ушан оет, авай,
Монден омыл сугынет, ачай.
Шӱмыштем эре ашнем,
Йоча годсо пагытем,
Весела жапем.
Омем ден чӱчкыдын толам мый шочмо мӧҥгӧ велыш,
Чарайола куржталме тат тышан шукертак эртыш.
Мондалтше жап гыч пуйто тольо угыч поро серыш.
Эҥер воктене вашлийнем уэш лупсаҥше эрым,
Мый олык гыч кондем, авай, тылат эн тамле мӧрым,
Ӱпемым ниялтен, тый пелештет шып:
"Тау, эргым".