paroles de chanson Eka Wasanthayaka - Kasun Kalhara

එක වසන්තයක
එක රාත්රියක
දැනුනා මතකයි
මට ඉබේම වාගේ
ඔබෙ සුවඳ
එක හුස්මක්වත්
ගන්නට ඉඩ නැති තරමට
දැනුනා විතරක් මතකයි
හද ලුහුබැඳ ඉව කරනා
පෙර සසරක සුපුරුදු සුවඳ
ඒ ඔබේ නොවෙද එනමුදු ඒ ඔබමද
ඔබමද ඒ සොඳුර

මේ වසන්තයේදී හමුවෙන සුළඟ සමඟ
සසැදී පෑහෙන්නට හිතයි මට
ඔබෙ සුවඳ සමග මුසුවනු පිණිස
මගෙ සුසුමක්
තියන්නද
සිහිවනු පිණිස
සොඳුර

මේ වසන්තයෙම
ගතවී යන්නට පෙර
තුරුලේ ඇහිරෙන්නට
පතමි මම
ඔබෙ සිතැඟි වලට
මුසු වනු පිණිස
මගෙ හැගුමක්
තියන්නද
ගිවිසනු පිණිස
සොඳුර

එක වසන්තයක
එක රාත්රියක
දැනුනා මතකයි
මට ඉබේම වාගේ
ඔබෙ සුවඳ
එක හුස්මක්වත්
ගන්නට ඉඩ නැති තරමට
දැනුනා විතරක් මතකයි