paroles de chanson Tammurriata D'Amuri - Mario Incudine

TESTO TAMMURRIATA D'AMURI

Testo di Mario Incudine
Musica di Mario Incudine e Francesco Citera

Arrisedi ccà lu me rizettu
Sutta stu suli, intra lu tò pettu,

Facci a facci, senza cchiù vulari
Comu 'a palumma 'nfacci a lu svarveri

Ca doppu di lu tantu assicutari
Ammenzu 'e fraschi ci l'eppi 'mputiri,
Comu la lapa vola 'ncapu u ciuri
'Nta li me manu addivintasti meli.

Tu si Madonna senza lu sò artari
E iu omu senza chhiù paroli
Grapu l'occhi e restu a taliari
Chiddu ca si, e mi scordu cchi eri.

Un sacciu chi è stu focu e sti quadari
Ca un ci po' mancu l'acqua di lu mari
Mentri inchiu li tò manu di sudura
Ne dda zotta, 'nto vadduni 'i papardura.

Vaiu caminannu sulu comu un cani
Mutu mutu sciauriannuti li peri,
Si comu lipri ppi lu cacciaturi,
Comu quartara ppi lu iurnateri,

Ca m'addurmisci e puru mi 'mbriaca
Resta 'u profumu di la margherita,
Comu mircanti quannu tocca a sita
Comu viddanu doppu 'na bon'annata.

Si comu spata ppi lu cavalieri,
Comu liaccia appisa a lu palluni,
Cercu sulu di tuccariti e mi scantu
Ca vinni iornu e già persi lu cuntu