paroles de chanson L. - Nativ

I ha öppis uf dr chest u es muess usä
Au di frömdefeindlichkeit laht mi nüm pfussä
Zwüschä wüetig si u nur no wöuä truurä
Fäut mr oftmals d zyt zum chönne düreschnuffä
Ir alte wält strittet mä tatsach immer ab
Doch offesichtlech üsi wärte si ä farce
Enteignä länder irne schätz u hei nie gfragt
Hei üse wohlstand tränkt i bluet ds isch ä fakt
Lug i ha gschicht gha u ds ab dr 4te klass
Aber mängisch dänki i ha viu verpasst wöu
In babylonia womr läbä isch ä mischig zwüsche festig und mnä knast
Auso wo druf bisch du stolz hä?

Dr tüfu isch ä lügner
U är fingt ging wieder ä wäg zum überzügä
Und izä heimr angst
Wöu wüssder buur nid kennt lehnter ab
Bitte erstick nid abm hohn
Hie paar sklavä dört paar knarre ds isch üsi tradition
Gib mr alles wsdä hesch
U weni alles ha de lueg wid verrecksch

Si hei so viu ressource geits drum gwinn chönnä a land z zieh
Doch kei ressource me blibt im netz d konsequenz dinä
U när verlügnä ds mä sit jeher duet dräit zieh
Europa isch so kriminell, wärs ä mönsch würdmä nä abschiebe
I kennä seelä di hei chriege überläbt
So viu lidä überläbt auso wär isch schwach
U du hesch aues aber glich hesch du so angst
Vo dä richä lehrt mä arm si, a dr gier gisch du ä macht
(Wär isch schwach)
Sis di muetigä wo chömmä uf dä boot
Oder si ds mir wo aunä nämä ires brot
Si ds di erschöpftä wo glich lache i dr not
Man jedes mal weni d verfassig lise gloubirä kes wort meh

Dr tüfu isch ä lügner
U är fingt ging wieder ä wäg zum überzügä
Und izä heimr angst
Wöu wüssder buur nid kennt lehnter ab
Bitte erstick nid abm hohn
Hie paar sklavä dört paar knarre ds isch üsi tradition
Gib mr alles wsdä hesch
U weni alles ha de lueg wid verrecksch
Bitte erstick nid abm hohn
Gib mr alles wsdä hesch