paroles de chanson Foa - Sadat , Islam Chipsy

عايزك تعرف وتفهم يا معلم
المزيكا اللي بنعملها تسمعها هتبليم
عايزك تعرف وتفهم يا معلم
المزيكا اللي بنعملها تسمعها هتبليم

مهما روحنا أو لافينا أو حتى جينا
المزيكا ساكنة روحنا من يوم ما إبتدينا
فكرة أسسناها، نفذناها، درسناها
السلم الموسيقي درجة درجة طلعنا عليها

فوق فوق عافية أو ذوق
في المزيكا بنسوق سوق
إرفع إيدك فوق
إرفع إيدك فوق
(يلا قولوا)

المزيكا عاملة لي جنان
واخدة العقل خاطفة الودان
أنا شايف آن الأوان
يلا نهيبر المكان
مزيكا جنان

قائد كلامي ألحاني أوزاني
مزيكتي بالنسبة لي كيان
هي لغتي في كل مكان
نبض قلبي ماشي على الـ Beat
بحرك جسمي بشكل جديد
عمال كل شوية أعيد
المزيكاتي بيلعب هجوم
وأنا في المزيكا مجنون
أصل الخبرة بتفرق يا أسطى
خليك عارف طريق الجون

روح بتروح
ع المزيكا دابح لمدبوح
في المزيكا بحر مفتوح
واللي يخش معايا في منافسة
هطلع أرميه من فوق السطح

فوق فوق عافية أو ذوق
في المزيكا بنسوق
إرفع إيدك فوق
إرفع إيدك فوق

أنا اللي أحط الخطة
وأنا اللي أقولك يلا
وهات في إيدك الشنطة
تعبي فيها الخبرة

مزيكا روشة خبطة النافوخ
عيش المود إركب الصاروخ
عقلك يدي إشارة لجسمك
فوق نفسك قبل ما دوخ

سيب، سيب نفسك
إنسى إسمك شكلك جنسك
جمد قلبك خش بجسمك
كابتن لو سمحت
إرفع إيدك لفوق
إوعى تنزل تحت
خليك فاهم يا ذوق

الخطة مرسومة أنا بأسسها
وبخطط قبل ما نفذها
عشان حافظها عارفها دارسها
وفاضل بأسس تأسيسها

فوق فوق عافية أو ذوق
في المزيكا بنسوق
إرفع إيدك فوق
إرفع إيدك فوق

فوق فوق عافية أو ذوق
في المزيكا بنسوق
إرفع إيدك فوق
إرفع إيدك فوق