paroles de chanson على حسابي - The Synaptik

قُلْتِلْها ، إسْتَنّيني عَ الطّريقْ مِشْ عارِفْ مَتى راحْ أَوْصَلْ
عارِفْ الطَّلَبْ كْبيرْ
الشّغْلة مش بِإيدي فِشْ تَصْريحْ
مَنتي عارْفة إِحْتِلالْ حيطانْ وْأَلْوانو كْثيرْ
تِقْلَقيشْ سِرّ كْبيرْ
مِشْ راح ْأَمارِسْ فِيّو كُلْشي غيرو التّعْبيرْ
مِشْ دْراما
بَسْ هيكْ عَ الخَفيفْ
مش شايِفْ بَسْ عادي لمّا كلْ حَدا هُنا كَفيفْ
بِدّي سيبة شِكْلي
بِدّي اعْمَلْ مْصيبة شِكْلي
بِحْكولي ليشْ هيكْ انْتَ بارِدْ
وانا بَغْلي مْدَوِّبْ كُلْ الثَّلْجْ التَّحْتي
مِشْ شايْفينْ
دَفَنْتْ حَبيبةْ قَلْبي مِنْ شَهْرينْ وَلْكو هايْ مينْ

وْعَلى حْسابي أكْتُبْ إلِكْ صَفَحاتْ عَ الأَلَمْ
وعَلى حْسابي أَدْفَعْ عَنْهُمْ كُلَّ الذِّمَمّ
وعَلى حْسابي أَشْرَحْ لَهُمْ عَنِ الْهَرَمْ
وعَلى حْسابي عَلى حْسابي

بِضَحِّكْ مِشْ عارِفْ أطيبْ وَ انْ طَبيبْ
بَحْلِفْ بِالهِلالْ بَحْلِفْ بِالصّليبْ
دَفوتْ هايْ المرةُ لو بِحْبالْ او تَهْريبْ
عَ البابْ واقِفْ بَسْتَنّى التّرْحيبْ
غَريبْ
الظّاهرْ لا جَديدْ
مِشْ سَعيدْ
لِسّا نَفْسِ المَكانْ نِرْجَعْ ليه
وانا آسِفْ لَنْ أُعيدْ
عٍضْ عَلى لْسانَكْ مَتِحْكيشْ
خَدِّرْ مَرْكِزْ الدُّموعْ في الدِّماغْ
مَتِبْكيشْ
إحْكي cheers
في كُلْ صورة مَعْ غَريبْ
بَسْ بِالبيتْ كُلْ الصُّوَرْ خالية مِنْ أَيَّةْ تَعْبيرْ
في الصُّوَرْ آياتْ للتَّفْسيرْ
أَرْواحْ للتَّحْضيرْ
كُلْها حْجارْ وْ قَصديرْ
تّصَدِّقْ بَالله احْنا نْطيرْ
جِنْحاني مِنِ سْطورْ
بَفْتَحْلِكْ مَكْتَبْ تَحْرير
وْبَسْ عَشانْ كلِّ الْ years
النّاسْ كُلْها آذانْ وَ نا كلّي عَويلْ

وْعَلى حْسابي أكْتُبْ إلِكْ صَفَحاتْ عَ الأَلَمْ
وعَلى حْسابي أَدْفَعْ عَنْهُمْ كُلْ الذِّمَمّ
وعَلى حْسابي أَشْرَحْ لَهُمْ عَنِ الْهَرَمْ
وعَلى حْسابي عَلى حْسابي

كَمْ مِنْ كَف أَكَلْتو كانْ عَ حْسابي
كَمْ مِنْ طَلعة طلعتوا وكانْ عَ كْتافي
كَمْ مِنْ كذِبة قلتها جُوّا ذاني
عشانْ السّينابْتيكْ
بَسْ عادي سَجِّلْ هايْ المَرّة بَرْضو عَلى حْسابي
بِالرّابْ انا ماكنْ
كُلْ يومْ هَيْني ماكِلْ
شارِبْ نايْم مْسافِرْ
الرّابْ دافِعْ فَواتيرْ
فَ عادي عَلى حْسابو للكاتِبْ
تَحَقَّقْ من الخبر كُلّو كاذِبْ
لَوْ كانْ الجِنّي عَلى الهاتِفْ
تِرِنْ قَلّي أُطْلُبْ وَ تَمَنّى
لَ قُلْتِلّو قولْ
لَ إمّي إنّي آسِفْ
قولْ لَ إمّي إنّي خايِفْ
قولْ لَ إمّي انو الله مَعي عارِفْ
فَ عادي كُلّو كُلّو كُلّو على حسابي
كَنْزة مثل القَمَرْ
و مْنِ المُحيطْ بَطْلَعْ ناشِفْ
شوفْ كيفْ مِنِ المُحيطْ بَطْلَعْ ناشِفْ

وْعَلى حْسابي أكْتُبْ إلِكْ صَفَحاتْ عَ الأَلَمْ
وعَلى حْسابي أَدْفَعْ عَنْهُمْ كُلْ الذِّمَمّ
وعَلى حْسابي أَشْرَحْ لَهُمْ عَنِ الْهَرَمْ
وعَلى حْسابي عَلى حْسابي