paroles de chanson Kad Se Zamislim - Tomislav Bralic i Klapa Intrade

I nakon svega ja još mogu letit
Prižalit mogu ljubav ča me smela
Sve svoje ure tebi ću posvetit
Pa i kad zadnja siđe s kampanela

I nakon svega još otvaram vrata
U bile dane ča nad morem sviću
Jer još mi vridiš ka leroj od zlata
Ka ura ča se navije na sriću

Još u gajbi za te piva grdelin
I u bilu kavu močim baškotin
Luštram staro misto, razgovaram s njim
Još na njemu sidiš kad se zamislim

Još te čeka tilo ča ti pripada
Samo ja znam kako srića propada
I nek je toplina otišla u dim
Još te uvik vidim kad se zamislim

I nakon svega još te mogu ćutit
Kad cvatu ruže il' zagorča pelin
Sve svoje misli tebi ću uputit
I tu ćeš biti uvik kad poželim

Još u gajbi za te piva grdelin
I u bilu kavu močim baškotin
Luštram staro misto, razgovaram s njim
Još na njemu sidiš kad se zamislim

Još te čeka tilo ča ti pripada
Samo ja znam kako srića propada
I nek je toplina otišla u dim
Još te uvik vidim kad se zamislim

I u bilu kavu močim baškotin
Luštram staro misto, razgovaram s njim
Još na njemu sidiš kad se zamislim

Luštram staro misto, razgovaram s njim
Još te uvik vidim kad se zamislim