paroles de chanson 學生哥 - 許冠傑

學生哥 好溫功課 咪淨係掛住踢波
最弊肥佬左無陰功囉 同學亦愛莫能助
(肥佬左無陰功囉 同學亦愛莫能助)
螞蟻亦要搵野食 唔做事確係無益
少壯就要多努力 來日望自食其力
學生哥 好咪書囉 咪日夜掛住拍拖
顧住十幾科 科科喎 面懵懵一肚火
(十幾科 科科喎 面懵懵一肚火)
螞蟻亦要搵野食 唔做事確係無益
少壯就要多努力 來日望自食其力
學生哥 要思己過 唔係第日悔恨更多
人之初 應知錯 唔自立就會捱餓
(人之初 應知錯 唔自立就會捱餓)
螞蟻亦要搵野食 唔做事確係無益
少壯就要多努力 來日望自食其力
學生哥 一個個 我地日日記住隻歌
人多多 RE ME RE DOH 齊合力唱詠同和