paroles de chanson 十七年華 - 農夫

叛逆少女墮樓亡 迷魂毒品累一生

嚟啊嚟啊陪我行
我諗我行埋呢堂樓梯應該唔會煩
我諗個天台應該有好多靚位俾我揀
等我揀返個跌落嚟會死得冇咁慢
死得比較燦爛

記得 教堂啲 father 話要當正 father 係我親生 father
千祈咪將佢褻瀆
但係我嘅親生 father 就係每晚趴喺我度攞我嚟洩慾
噉我嘅結局 係咪就係行多十七層？
我而家十七歲 座大廈冇第十八層
噉 我又有冇第十八歲？

少女尋死 慈父燒鵝脾跚跚來遲

我日日等 日日忍 但係點解都硬係噉？
問上主 問老師 話畀通街啲社工知
但係佢哋話我飛女 衰女 吹水
不特止 仲話「咦？乜你開始食毒品」

冇錯我成身安眠藥 但係冇諗過食安眠藥死
只不過係我身體弱弱哋
醫生著略畀幾樽 等我返屋企可以略略瞓得著
但係個屋企

我冇再返返嚟 我老竇跟本係隻生番嚟
你依家睇緊唔係三更嚟
我阿媽會靠啲中藥返生先奇
媽 我落嚟陪你

左圖為死者高處墮下
右圖為女死者的爸爸
驚聞噩耗後悲痛不已
本圖為本報獨家

左圖為死者高處墮下
右圖為女死者的爸爸
驚聞噩耗後悲痛不已
本圖為本報獨家

此時這地就這樣遠離
就當流雲散聚 我又化做雨水
窗外雨下那夜星又隕落
來而又去 你我不過又再兜圈

本報訊 某中學中三輔導班一名女學生
於昨日晚間被其大廈夜更看更黃生發現
倒臥於大廈門口與停車場之間
發現事主時已不省人事
送院救治後證實不治
女死者梁 X 交叉 十七歲
在校內成績很差為一名夜歸少女

在家中她是一名獨女
早年喪母與父親同居
身兼母職的父親一向疼愛女兒 (你點知？)
他昨夜下班時 原想逗女兒歡喜
買了燒鵝脾 豈料 未幾
回家已得知女兒尋死

我仲唔死 唔通等佢食完隻燒鵝脾 再擒上嚟？

梁父一臉茫然道
「傻女，喺學校嘅嘢可以話畀老竇知㗎嘛」
警員於死者身上發現安眠藥 (喂我瞓唔著喎)
與咳藥水 (我咳喎)
懷疑是服食過量藥物導致自殺的證據

此時這地就這樣遠離 (第二天沒人理會這新聞)
就當流雲散聚 我又化做雨水 (第三天沒人理會這新聞 第四天沒人理會這新聞)
窗外雨下那夜星又隕落 (第五天同類事件再發生 第六天人人關注那新聞)
來而又去 你我不過又再兜圈 (第七天沒人理會那新聞 第八天沒人理會那新聞)
(第九天沒人理會那新聞)
(第十天沒人理會那新聞)