paroles de chanson 快餐常餐特餐 粤语 - 黃秋生

麦兜：唔该，我要一个常餐啊!
麦太：常餐？常餐有咩食噶？
伙计：同特餐一样啰。
麦太：咁特餐系咩嚟噶？
伙计：同快餐咁上下啰。
麦太：咁快餐系咩嚟噶?
伙计：车 快餐咪即系午餐。
麦太：午餐食咩架?
伙计：午餐同晚餐一样格。
麦太：咁晚餐又食D咩呀?
伙计：晚餐咪即系常餐啰。
麦太：咁呀，我要两个常餐啦
伙计：好野呀 我哋今日D常餐。
伙计：唔好意思，常餐卖晒啵。
麦兜：嗯... 咁改要特餐啊。
麦太：特餐? 特餐有咩食架?
伙计：特餐咪即系午餐啰。
麦太：午餐食乜嘢架?
伙计：都系晚餐个D嘢啰。
麦太：咁乜嘢系晚餐呀?
伙计：同快餐一样啰。
麦太：咁快餐食咩架？
伙计：唉 快餐咪即系常餐啰。
麦太：咁你头先又话冇常餐 ？
伙计：系呀，常餐系卖晒呀， 咁你试唔试下特餐啊?
麦太：两份特餐啦!
伙计：唔好意思，特餐卖晒啵。
麦兜：嗯... 妈妈，不如改快餐丫
麦太：快餐有咩架?
伙计：快餐即系常餐
麦太：咁常餐有咩架?
伙计：常餐咪即系午餐啰。
麦太：唉呀咁午餐有咩食呀?
伙计：午餐同晚餐一样格。
麦太：咁晚餐呢?
伙计：晚餐咪即系特餐啰。
麦太：车，咁你头先又话冇特餐?
伙计：系呀，特餐系卖晒呀，咁你试唔试下个快餐啊一样嘅遮
麦太：咁两份快餐喇!
伙计：唔好意思冇快餐喇
麦太：离唔离谱D呀? 咁你哋究竟有D咩餐呀?
伙计：午餐啦 午餐好嘢呀
麦太：点好嘢法啊？
伙计：同晚餐一样咁好嘢
麦太：咁晚餐又点好嘢法啊？
伙计：同常餐一样咁好嘢啰
麦太：咁常餐又点好嘢法啊？
伙计：常餐?! 常餐一早卖晒啦，你话好唔好嘢啊？
麦太：好啦好啦 要两份午餐啦！！
伙计：唔好思意，午餐卖晒，试唔试下我哋个晚餐啊一样嘅遮
麦太：日光日白食乜鬼嘢晚餐啊？！
伙计：唉，个名叫晚餐遮，其实咪即系午餐
麦太：好啦好啦怕咗你啦！要两份晚餐呀快D手呀！
伙计：想快?! 想快就要快餐啦
（嘭！）