Текст песни Mana - Apolas Lermi

Ας κάθουμαι σο γιάνι σ', μάνα μ' μέτρα τα τέρτια σ'
Και όσο επορείς κλάψον, ας σιλεύω τα δέκρια σ'

Κάθεσε κ' ερμενέυεις, κοντοστέκεις δεκρέεις
Ας έξερνα ε μάνα μ', σην καρδίας το έχεις

Ε μάνα μ' όϊ ε μάνα μ', τα τέρτια σ' πολλά είναι
Ατά πά ου' σούρκουνταν, πολλά πα τρανά είναι
Ατά πά ου' σούρκουνταν, πολλά πα τρανά είναι

Εφάγισες πότισες, εφόρισες κ' ίσαξες
Με τα πια ζορλούχια, εμάσιν εθρέφισες

Νε ένα ποτήρι νερό, νε και ένα βούκα ψωμί
Καϊνίς κ' εν να φέρει σε, να κάτσεις ένα σκαμνί

Ε μάνα μ' όϊ ε μάνα μ', τα τέρτια σ' πολλά είναι
Ατά πά ου' σούρκουνταν, πολλά πα τρανά είναι
Ατά πά ου' σούρκουνταν, πολλά πα τρανά είναι

Μάνα μ' όδεν ου' λαλείς, πολλά με είν' ατόσον
Μάνα μ' μη χολιάσκεσε, εσύ πάλ' εφχί πίσον

Ε μάνα μ' κ' θα ρωτώ, αν στέκ' καϊνίς σο γίανι σ'
Άτζαπ παραφέρει σε, ασα παιδία σ' καϊνίς

Ε μάνα μ' όϊ ε μάνα μ', τα τέρτια σ' πολλά είναι
Ατά πά ου' σούρκουνταν, πολλά πα τρανά είναι
Ατά πά ου' σούρκουνταν, πολλά πα τρανά είναι