Текст песни Kristallnaach (Remastered 2006) - BAP

Et kütt vüür, dat ich mein, dat jet klirrt
Dat sich irjendjet en mich verirrt
E Jeräusch, nit ens laut
Manchmol klirrt es vertraut
Selden su, dat mer′t direk durchschaut
Mer weed wach, rief die Aure un sieht
En'nem Bild zweschen Breughel un Bosch
Kei Minsch, dä öm Sirene jet jitt
Weil Entwarnung nur half su vill koss
Et′rüsch noh Kristallnaach
En der Ruhe vür'm Sturm, wat ess dat?
Janz klammheimlich verlööß wer die Stadt
Honoratioren incognito hasten vorbei
Offiziell sinn die nit jähn dobei
Wenn die Volkssseele - allzeit bereit Richtung Siedepunkt wütet un schreit
"Heil - Halali" un grenzenlos geil noh Vergeltung brüllt
Zitternd vor Neid
In der Kristallnaach
Doch die alles, wat anders ess, stührt
Die mem Strom schwemme, wie't sich jehührt
Für die Schwule Verbrecher sinn
Ausländer Aussatz sinn
Bruchen wer, der se verführt
Un dann rettet kein Kavallerie
Keine Zorro kömmert sich dodrömm
Dä piss höchstens e "Z" en der Schnie
Un fällt lallend vüür Lässigkeit öm
"Na un? - Kristallnaach!"
En der Kirch met dä Franz Kafka-Uhr, ohne Zeiger
Met Striche drop nur ließt ne Blinde nem Taube Strubbelpeter vüür
Hinger dreifach verriejelter Düür
Un dä Wächter ′mem Schlüsselbund hällt sich em Ähnz für jet wie e Jenie
Weil′er Auswege pulverisiert un verkäuf jäjen Klaustrophobie
En der Kristallnaach
Währenddessen, am Maatplatz vielleich
Unmaskiert, hück mem wohre Jeseech
Sammelt Stein, schlief et Mezz
Op die, die schon verpezz
Probt dä Lynch-Mob für't jüngste Jereech
Un zem Laade nur flüchtig vertäut -die Galeeren stonn längs unger Dampf
Weet em Hafen op Sklaven jewaat, op dä Schrott uss dämm ungleiche Kampf
Us der Kristallnaach
Da, wo Darwin für alles herhält
Ob man Menschen vertreibt oder quält
Da, wo hinter Macht Geld ist
Wo stark sein die Welt ist
Von Kuschen und Strammstehen entstellt
Wo man Hymnen auf dem Kamm sogar bläst
In barbarischer Gier nach Profit, "Hosianna" und "Kreuzigt ihn!" ruft
Wenn man irgendeinen Vorteil darin sieht
Ist täglich Kristallnacht