Текст песни Asteco e cielo - Enzo Avitabile

Arrassusìa
Scennènno mmiez'a via
'Ncopp e binarie
'Ncuntrasse a Ddio
Dàteme 'n' uocchio,
Nun saccio attraverzà
Me sentevo sùlo,
Me ne so' fujuto d' a scola
Arrassusìa
Ne valesse a' pena
Nce appennéssemo o tramme
Pe nun c' 'a fa a père
Amm' arrivà llà 'ncoppa
Addó fernésceno 'e scale
Addó quanno chiove scorre
E nce 'nfunnimmo 'e mmàne...

Àsteco e cielo
O te mìne o vuóle
Àsteco e cielo
O te mìne o vuóle
Àsteco e cielo...

Arrassusìa
Turnassèmo criature
Fora a 'na loggia
'Na scala 'ncopp' o muro
E po' assettàte
Cu 'e ccosce 'int'a ringhiera
Ma quanno vène pàtemo stasera?...

Àsteco e cielo
O te mìne o vuóle
Àsteco e cielo
O te mìne o vuóle
Àsteco e cielo
O te mìne o vuóle...

Arrassusìa
Mettessemo 'a pece
Si no po' vène vierno
E nce facimmo 'a croce
E vène 'o maletiempo
E se ne va 'a luce
E 'sta paura 'a dinto
Nun ce fa truvà pace
Nun ce fa truvà pace
Nun... nun ce fa truvà pace

Àsteco e cielo
O te mìne o vuóle
Àsteco e cielo
O te mìne o vuóle
Àsteco e cielo... cielo
O te mìne o vuòle
Àsteco e cielo
O te mìne o vuòle...
Àsteco e cielo... e cielo
O te mìne... o vuòle