Текст песни Cabo Verde - Karlon

Cabo Verde
Na 5 di julho
No toma nos independencia nu fazi parti di outo mundo
Krioulo e nos lingua sotavento barlavento
Sampadjudo e badiu ta fazi parti di elenco
Sem bu sabi mas nos cultura esta tudo espadjadu
Diaspora e grandi ki sta na tudo ladu
Chines ta fala crioulo portugues ta fala crioulo
Viva tubarons hora kes ta marca golo
Cabo Verde
E si bu ka sabi
Formado pa 10 ilha e e la ki nos pais nasci
Es passa fomi di 1947
Nem nu ka sabi di ki forma kes passa testi
Sempri forti unidos entri ajuda
Espadjados pa planeta e tudo ora ta djuguta
Amilcar cabral reuni tropas pa independencia
Camaradas paigc movimenta ku paciencia
Cabo Verde
Vivi tempo pidi
Policia di intervençon di estado ki di povo ta exigi
Ta fazi ditadura pa ordem di general
Ku prisionero tudo trancado na tarrafal
Povo crenti na comunidadi criston
Ta pidi pa nhor des das tudo dia ses pon
Nha aniversario e na dia di midju verdi
1 di novembro dia sagrado di nhas guentis
Cabo Verde
Povo di se grogo
Ki gosta pila midju ku se fidju na se colo
Leti durmidu kukus sempri na nos boca
Descalso na tchada ta brinca longi di se loca
Nu ta comemoura nos cultura di tabanca
Tudo alguem ta sai na rua e ta fica ta canta
Povo honestu ku vontadi di venci
E sima caba cochi midjo e pol ta benti
Cabo Verde
Passa tempo escravatura
Na exploraçon di algodon e cana di açucar
Diogo gomes e avista ilha di brava
Seculo 15 infanti henriqui ki ta mandaba
Ku sufrimento criado na ribera grandi
Na ilha santiago zona sul era maldadi
Um povo ameaçado sobri poder di arma
Trabadja 24h pa dia kata para
Cabo Verde
Povo ki gosta di gaita
Ku ferrinho na mo e convivi ku ses malta
Um povo ki ta negocia entri rabidantis
Leba especiarias pa outo povo mas distanti
Guentes ki ta vivi na bazi di ses pexi
Ku limaria mata porco hora ki alguem recebi
Vivi cabo verde terra simples ku mistura
Funana coladera morna e so nos cultura
Cabo Verde
Enta fazi um apelo
Nhos caba ku violencia pa nos terra ser conchedo
Povo ki ta despensa um bom longuisa
Ta bebi se pontchi e na kenti ta desliza
Nha terra nha kre tcheu kin gosta di sintoniza
Ta fala sobre terra ki ta junta nha pesquisa
Jovens tudo espadjado ta estuda pa futuro
Pa volta pa terra desenvolvimento ser maduro
Cabo Verde
Terra di calor
Distancia ta matam e pa familia en tem amor
En ta fica tristi hora kin ta oubi novidadi
Ma alguem dja morri e dexanu ku sodadi
En ta pidi povo pa dexa di desakatu
Ka nhos mata companhero keli e nha desabafu
En kre odja nhos unido e futuro ta midjora
Crianças ta brinca e alegria sou ta estoira
Cabo Verde
Terra di volcon
Chuba ka ta cai pa ajuda plantason
Nha povo ta espera pa as agua danu chuba
Pa o ki simiado pa nu colhi entri ajuda
Nu ta espera ma juventudi ta evolui
Pa um futuro risonho pa assi nu bem construi
En chinti nha mae e ta pensa sou na terra
Hora ke ta kre bai en ta fla mama ka bu espera
Cabo Verde
Povo di kamoca
Recordando e escudo ke nos nota
Guentis ki kata resisti troça companhero
Ka ta dexa nada escapa ta goza a tempo intero
Nha vida pa mi sempri foi constanti escrita
Ta escrevi o kin ta pensa e fazi poesia
Nu ta tenta pa da pa nos cultura ba mas longi
Viva lingua crioulo e nu poi guentes ta conxi