Текст песни Denk amoi - Wolfgang Ambros

Waun ma eich in de Gsichta schaut wias es schauts,
Dann wundert ma si warum eich ned vor eich söwa graus.
In eichre Gsichta is nix drinn,
Ois wia Augen, Nosn, Mund ...und Stumpfsinn.
Redn tats nur übers Fernsehen vom Tog vurher,
Manchmoi übers Auto owa sunst scho nix mehr.
Ma kennt eich scho von da Weidn,
Von Vurn von Hintn ...und von da Seitn.
Es bewegts eich wia Marionetten de wos a andra lenkt,
Und kan von eich follad ei das a si amoi wos denkt,
Das a si amoi wos denkt
Denk amoi, denk amoi, denk amoi mit dein Hirn,
Denk amoi, denk amoi, zu wos host dei Denkerstirn.
Denk amoi, denk amoi, denk amoi mit dein Hirn,
Denk amoi, denk amoi, zu wos host dei Denkerstirn.
Kaum sechts es wos oda hörts es wos in da Reklam,
Dann rennts scho hi und kaufts as eich weu des muass ma jo habn.
Dann rennts ins nächste Kleiderhaus,
Und dann schauts olle wia vom ...gleichn Schneider aus.
Des gilt für eich olle, Persönlichkeit wird verdrängt,
Und kan von eich follad ei das a si amoi wos denkt,
Das a si amoi wos denkt
Denk amoi, denk amoi, denk amoi mit dein Hirn,
Denk amoi, denk amoi, zu wos host dei Denkerstirn.
Denk amoi, denk amoi, denk amoi mit dein Hirn,
Denk amoi, denk amoi, zu wos host dei Denkerstirn.
Denk amoi, denk amoi, denk amoi mit dein Hirn,
Denk amoi, denk amoi, zu wos host dei Denkerstirn.