Songtexte Sajan Dari Ubha - Aarya Ambekar

सजण दारी उभा, काय आता करू?
घर कधी आवरू? मज कधी सावरू?
मी न केली सखे, अजुन वेणीफणी
मी न पुरते मला निरखिले दर्पणी
अन् सडाही न मी टाकिला अंगणी
राहिले नाहणे! कुठुन काजळ भरू?
मी न दुबळी कुडी अजुन शृंगारिली
मी न सगळीच ही आसवे माळिली
प्राणपूजा न मी अजुनही बांधिली
काय दारातुनी परत मागे फिरू?
बघ पुन्हा वाजली थाप दारावरी
हीच मी ऐकिली जन्मजन्मांतरी
तीच मी राधिका! तोच हा श्रीहरी!
हृदय माझे कसे मीच हृदयी धरू?