Kol Haga Betaady

مهما كان ليلك طويل
كل حاجة بتعدي
مهما كان حملك تقيل
كل حاجة بتعدي
لو عينك غفلت
كل حاجة بتعدي
لو الدنيا قفلت
كل حاجة بتعدي
لو حبيبك سابك
والزمن ساقك
واتلغبطت اسبابك
لو امالك اتعطلت
واحلامك فرملت
وجواك شايل هتعدي
مهما كان قلبك ندمان
كل حاجة بتعدي
مهما كنت في غلطك سارح
كل حاجة بتعدي
سيبك من الناس ربنا بيسامح
كل حاجة بتعدي
كلم نفسك وعليها اتصالح
كل حاجة بتعدي
الليل طويل مليان احلام
تاخدك وتفضل فيها سارح
والنهار اجمل كمان
شمسه تنور حلم امبارح
صحيح الايام صعبة كتير
بتعلم جوانه وتخبي
بس لازم نعيش
قبل ما الدنيا تعدي
كل الناس خايفة من بكره
ويجي بكرا ولسة خايفين
بكره مش يوم بكره ده فكرة
هما جواها محبوسين
اوقاتك هي حكاياتك
وحكاياتك هي حياتك
ماتسيبش يوم
ماتسيبش سطر في كتابك
وكفاية كل اللي فاتك
وانسى الهموم
اوقاتك هي حكاياتك
وحكاياتك هي حياتك
ماتسيبش يوم
ماتسيبش سطر في كتابك
وكفاية كل اللي فاتك
وانسى الهموم
مهما كان ليلك طويل
كل حاجة بتعدي