Maruzzella

Maruzzella, Maruzzè

Ohé, chi sente?
E chi mo canta appriesso a me?
Ohé, pe' tramente
S'affaccia 'a luna pe' vedé
Pe' tutta 'sta marina
'A Pròceda, a Resína
Se dice guarda llá
Na femmena che fa

Maruzzella, Maruzzè
Te miso dint'a ll'uocchie 'o mare
E mme miso 'mpiett'a me nu dispiacere
'Stu core mme faje sbattere
Cchiù forte 'e ll'onne quanno 'o cielo è scuro
Primma me dice sí
Po', doce doce, mme faje murí
Maruzzella, Maruzzé

Ohé, chi mm'ajuta?
Si tu nun viene a mm'ajutá?
Ohé, mm'è venuta
'Na voglia ardente 'e te vasá
E vieneténne, oje bella
E damme 'sta vucchella
Ca pe' mm'avvelená
'E zùcchero se fa

Maruzzella, Maruzzè
Te miso dint'a ll'uocchie 'o mare
E mme miso 'mpiett'a me nu dispiacere
'Stu core mme faje sbattere
Cchiù forte 'e ll'onne quanno 'o cielo è scuro
Primma me dice sí
Po', doce doce, mme faje murí
Maruzzella, Maruzzé