Songtexte Il Re Del Giardino - Davide Van De Sfroos

Setaa giò sura un scucch de rugul el neta i man in di culzònn,
Sfrega i sò öcc de pèss, el dumàn l"è giamò adess.
Nel tramuunt che paar venn russ batt el cör cun la pell de bissa,
Mila spettri senza licenza, ma el cör el g"ha pazienza.
Cui Jack Daniel"s e i galènn e un muculòtt söl tavulèn
L"è dumà luu: el re del sò giardenn.
E sti man de salamandra sö "n rusàri de rutàmm
I se fann una carezza de par luur e cunten tucc i spen.
E se ruva la sirena de acqua dulza a dumandacch se vör partì,
Sö la sua cua fada de scaj el ghe diis che fa tropp frecc
O che forsi l"è tropp vecc per sultà sö quela cua
Che la paar fada de spècc, che la paar fada de spècc.
El so gatt el varda el cieel o forsi un ratin söl pergulaa
Mentre luu cui Tuscanèll el lusiss insema ai stèll.
Cui Jack Daniel"s e i galènn e un muculòtt söl tavulèn
L"è dumà luu: el re del sò giardenn.
El re del sò giardenn, el re del sò giardenn