Songtexte Ciuri d'amuri - I Beddi feat. Valentina Balistreri

Oh gimma di giardinu quannu nascisti
Li rosi e li ruvetti 'nnamurari visti
Funtana di biddizzi quannu criscisti
A tutti l'occhi strabuzzari ni facisti
A tutti l'occhi strabuzzari ni facisti

'Nta lu to nomu porti la grazia da Madonna
Vulissi fussi amanti, cunfidenti e donna
Quannu ti susi tu lu jornu agghiorna
Unni ti curchi tu lu 'nvernu sverna
Unni ti curchi tu lu 'nvernu sverna

Oh ciuri di li ciuri, ciuri d'amuri
Lu sai di quantu peni tu mi fai straziari?
Si nun ti pozzu aviri vurria turnari
Dintra lu ventri di me matri e nun nasciri
Ciuri d'amuri nun vulissi chiù nasciri

Quannu camini tu la luci ammucci
Luciunu sulu l'occhi e la to facci
Unni scarpisi la distanza s'assuttigghia
Tra cielu, terra e mari nun è maravigghia
Tra cielu, terra e ari nun è maravigghia

Di li manu di Diu fusti dipinciuta
Di petali e di pampini fusti adurnata
Di ogni omu onestu ogn'ura addisiata
Ma nuddu ti disia comu a mia, mia amata
Ma nuddu ti disia comu a mia, mia amata

Oh ciuri di li ciuri, ciuri d'amuri
Lu sai di quantu peni tu mi fai straziari?
Si nun ti pozzu aviri vurria turnari
Dintra lu ventri di me matri e nun nasciri
Ciuri d'amuri nun vulissi chiù nasciri

Cu nun cuteddu a pizzu lu me cori punci
Ju ccu nu lazzu strittu forti mi lu strinci
Aiutimi, tu bedda, si mi voi aiutari
Li spini a unu a unu o pettu m'ha livari
Li spini a unu a unu o pettu m'ha livari

Oh ciuri di li ciuri, ciuri d'amuri
Lu sai di quantu peni tu mi fai straziari?
Si nun ti pozzu aviri vurria turnari
Dintra lu ventri di me matri e nun nasciri
Ciuri d'amuri nun vulissi chiù nasciri

Si nun ti pozzu aviri, ciuri d'amuri
Ciuri d'amuri nun vulissi chiù nasciri
Si nun ti pozzu aviri, ciuri d'amuri
Ciuri d'amuri nun vulissi chiù nasciri