Songtexte Assenza - I Muvrini

Senza tè u paese hè spentu è chjamu indernu
Ùn ci canta più nimu è l'acelli sò tristi
Quale hè chì decidì ch'un ghjornu ne partisti
È ne lasciati quì u celu di l'inguernu
A machja scunsulata d'ùn sapè s'è tù esisti
È passi in piazza viota è penseri à squaternu
È penseri à squaternu

Senza tè a mio casa hè silenziu cù petra
Dinù a porta pienghje è si lagna la sera
Quand'ella chjode à mè cù lu fronte di cera
Chì cum'è legnu vechju i so ricordi ammetra
È lascia u prigiuneru di a mancanza tetra
Cù l'idea chì gira è l'avvene dinnera
È l'avvene dinnera

Senza tè u mio core spersu hà pocu laziu
Di dumane ùn hà più la vuluntà farfalla
Hè smarrita pazienza à l'età pedigialla
Chi d'aspettà per nunda hè dinù ellu saziu
Ma forse cumpierà un ghjornu lu so straziu
È s'almanaccherà, è s'almanaccherà
Un avvene, un avvene chì balla

Chì balla, chì balla, chì balla, chì balla
Un avvene, un avvene chì balla
Chì balla, chì balla, chì balla, chì balla
Chì balla, chì balla, chì balla, chì balla