Songtexte ...und blicke doch mit Wut zurück - Karg

So wias Heid is, kos ned orwai sei, es wird vageh...
Es ko scho muang oda a erst im Fruajoa sei, wia ziang fuat vo neiem...
Die Zeit vageht so leise.
Wer woas wia long ma bleim...?
I hob di do zerst no auf und o' geh g'seng, draussd im Schnee.
Deine Spüren se woan scho leicht vaschniem, oba nu guad zum seng.
Weisst niangstwo dahoam' woast, so wia I...
Hom nie des g'funden wos ma g'suacht hom.
Weda gestan no Heid...
Noch oi de Joare im Regen woit die Sunn einfach nimma steign.
Zu Tode betriabt oda himelhoch jauchzend, beides hod für uns koan Sinn g'mocht.
I hob jo oi de Joare g'hofft, unsa Wiedasehen wuad onders ausschaun.
Wie hom uns noch de Tog verzerrt, oba se Woand uns nimma vagunnt...
I woas einfoch ned wias weidageh soi, so oda so, es füat zu nix...
De Aschn vergongener Winter, sie hod unsan Weg bis do her pflostat,
Und nix mog no vadecken, des Bluat auf unsre Kleider.
Wir hom unsa Last scho bis do her trogn, bis do her, oba koan schritt weida...
De Tog se welken wia es Lab vo de Bam...
Se hintalosnn nur vage Spüren, und ollahechstens Gram...
Die gläserne Stodt im Rucken hod uns do no nie wirklich g'starkt...
Imma wenn ma wieder do san, lossts uns nimmer atmen.
De Melancholie de scho üwa ihr g'hangt is, wia ma no Kinder woan,
Sie wird doch niemois weichn, denn sie trog ob heid a weidan Kainsmoi...
Es ist lochhoft in dera Wöd, einfoch bloss z'lieben...
Es is irrsinn a nur oa Wort z'glabn, es hod jo doch nix mehr bestond.
Mitten in da Nocht bist aussi im Woid.
Host nur no a kurze Nochricht g'schriem:
Wia soind nid um die Rean, host g'moant
Weil du woast eh de längst Zeit scho tot...
Übad Föder, übad Weitn, nuamoi vuabei an de Wiesn im Woid.
Es gibt koan weg zruck, nur de boa Schritt noch vuan...
Wos hobi g'hetzt, wos hobi gschrian, owa wois sois.
Wir hom auf dem Weg eh scho jetz vü zvü valuan...
Geh hoam mei Freund, I loss die Ziang...
I loss de Stodt füa di brenna, du findst do sowieso koa Glück...
Jedes einzelne vo dia grauen Häuser, es soi Flommem steh.
Sie hod uns olles gnumma, I blick mit nix ols Wut drauf zruck...