Songtexte Floki - LL. ZANJI

انقذوه مزال ماضاع
اوقدو مجامر والقي بوه
احرقو الضمير لي مات
الماضي لي فات
الواقع فين كينتعشو الشرذمات

خير و سلام ، احلام المساء
V. Hugo ندم و اعتذر
كان اساء
مكانش عارف فالبؤساء
عبيد اوفياء لسادية للرؤساء

الفراغ ، بروسيسور د مخي عاطية ريحة الشياط
كنعياط من لداخل لقا شي حل متبقاشتحط صباط
الدونيا ، و رجليها كبر من صنطيحة باطمة دونيا
لاعبا بينا كما بغات و مدوخانا كثر من قراعي Cognac
تونيا لي كلاع و مخلات فاحلامي تا جزء صحيح
تا text ما صحيح ،
تالف و معارفش اينا عتبة نحط الراس وجالس اصيح

و سم عقارب الساعة
مدگوگ من يامات جنب الحيط
و كثرت اللغيط ، شطح حناش بلا غيطة
بشر خليط ، غيس و خبز و زبدة Vitale

دماغي كبر من cosmos و من الضو مبانش بصيص
ف اصيص غرست بذرة
افكار ماكاتي لا بقهوة لا بنصنص
الفهم بسيط ، خسارة فصغري مسمعتش الهضرة
ياك نصحت تا عييت
و مخدمت بتا حاجة من دكشي

كل صباح كاس د Betadine
وسط الكتوبة vitamines
كنقرا و نقول امين
جوع الدماغ كان سبب ف الانين

رويت و ما رواو عروقي
جاب الله ريوسنا مفروقين
هزو ريشة هزيت جبال فوقي
خالفت القطيع و تبعت نهج فلوكي
واذا غاب الجوهر ، حرق الصورة
قلب بيض و face sombre ، منور اه
تحت الماكياج مخبي Shrek
جثة هازة الروح ف نعش
Profil وخا تشريه ملاك وسطك عايش الوحش
تحت الصدر مخبي صخرة
كولشي رخيص والاخلاق اغلى
رجل هنا و رجل فالاخرة
صوماليزم الجيب كيتنسى الى كانت الروح اغنى

مسابق فرجليا ملصق pallets
مصارح ممخبيش le mal-être
سارط كاع سموم sans arrêt
اكون او لا اكون ، هادي paraître ou Disparaître

زَكّي النّفْس و تواضع
نقى الدّاخل و توَاضح
ما تنافقش
وخا الرّوح مستورة متنساش راه الوَجه فاضِح

مُجتَمَع فاقِد للثّقَة
الآخَر باغِي التّيقار
فدار غفلون ضرباتك الفيقة
اذَا حَسّتِي بِالفَرْق اعْرِف بلي وصَلت الحَقيقَة

كل صباح كاس د Betadine
وسط الكتوبة vitamines
كنقرا و نقول امين
جوع الدماغ كان سبب ف الانين

رويت و ما رواو عروقي
جاب الله ريوسنا مفروقين
هزو ريشة هزيت جبال فوقي
خالفت القطيع و تبعت نهج فلوكي