Songtexte ايامي (في المرايا انا شوفت نفسي بقيت عجوز) - Ayamy (feat. jozef kamal) - Mahmoud Hagras

ايامي سرقاني فالماضي
بسرح بالساعات
ونا ايه ينسيني وجع
دمرلي قلبي مات
روحي بتأذيني
لما بتاخدني للي فات
في مرايتي بشوفني تجمع
في عيني الذكريات

حالي مبقاش بخير
ياناس سبوني في حالي
شوفت منكو ياما وكتير
ياويلي من الي جرالي
دمعي كل يوم بيسيل
حزني هد كياني
احزاني قتلاني ايامي سرقاني
كل البشر نسياني

بضحك لكني جوايا وجع يكفي بلاد
عمري اتخطف ويومي كل يوم يتعاد
شاب ولكني واقف علي عمري حداد
وجعي علي حالي في كل يوم يزداد

في المرايا انا شوفت نفسي بقيت عجوز
حتي شبابي قضيته انا مليان يؤس
لا شوفت فرحه ولا امل ولا حظوظ
وكل حاجه مشيتها انا كانت بتبوظ

كتر الخراب جوايا خلاني في كابوس
عايش لوحدي في اوضه ضلمه انا محبوس
حياتي بقيت فالحزن تتاخد دروس
وصداع بيقطع جوا راسي بألف موس

ياقلة الحيله
ياوجع القلب ملزمني
جوايا حاجه بتقتلني
ومش سيباني اعيش

بتهد في طموحي
بتسحب كل يوم روحي
دنا في صراخي راح صوتي
وقلبي ماسمعنيش

ايامي سرقاني فالماضي
بسرح بالسعات
ونا ايه ينسيني وجع
دمرلي قلبي مات
روحي بتأذيني
لما بتاخدني للي فات
في مرايتي بشوفني تجمع
في عيني الذكريات