Songtexte Mare verde - Milva

Nun è campagna è mare, mare verde
Nu golfo d'erba, na scugliera 'e fronne
Ca luntano se perde
Sott' 'o cielo d'está...

E pe' stu mare verde senza fine
Suonno d' 'a vita mia
Cchiù carnale e gentile
Tu cammine cu me...

Ll'ombra te veste ma te spoglia 'o sole:
Si' d'oro comm' 'o ggrano...
Tremmanno 'e passione
T'astregno sti mmane...
E 'o mare verde
Ce 'ncanta e ce perde
Abbracciáte accussí...

Dorme nu bosco e canta 'na surgente...
Sisca nu treno sott'a 'na muntagna...
Va sbarianno cu 'o viento
Na palomma ccá e llá...

E pe' stu mare verde senza fine...

Ll'ombra te veste ma te spoglia 'o sole:
Si' d'oro comm' 'o ggrano...
Tremmanno 'e passione
T'astregno sti mmane...
E 'o mare verde
Ce 'ncanta e ce perde
Abbracciáte accussí...