Songtexte O terra mia - Mira

Sugnu delusu e non mi dugnu paci
E mi dipingiu sta bella cornici
Chi rappresenta l'amuri e la paci
Mu mi la godu assemi a tanti amici

Mentri cu fisarmonica e chitarra
Cantavu a cori chinu pa me terra
Senza pensari ca ccesti cu sgarra
Picciandu fochi e dichiarandu guerra

Così I turisti chi ndi visitaru
Assai terrorizzati si sentiru
E stu misi d'agustu tantu amaru
Supra nu calendariu lu scriviru

Ed eu o terra mia ti vogghiu beni
Sugnu o to fiancu nta stu grossu dannu
Ma su sicuru chi l'annu chi veni
Tanti turisti non ritornerannu

Sugnu delusu e su fora di sennu
Pe certa genti chi cori non hannu
Pe certa genti chi cori non hannu
Si fiammi vonnu mu vannu all'infernu
Si diu ci pensa eu non li cundannu

E ora tutti assemi cumbattimu
A tutta forza mu ndi rialzamu
Umili I cori ma i chiu forti simu
Forza Calabria mia tantu tiamu

PARLATO
Forza Calabria mia eu tantu tiamu