Songtexte Serrek - Muslim

يعلم الله أشنو كاين في القلب
يمكن نبان لك أنا هاني ومن الداخل نايضة الحرب
الدنيا حڭارة وڭاع ما كتحس بالذنب
وڭاع اللي كانتيقو فيهم خارجين لينا من الجنب
قلبي مقبرة لجراحي اللي ثوّارة
خلّى ليمارة اللي خلاني وتوارى
قالوا الشعرا بلي الدنيا دوّارة
ربح وخسارة ما تدوملك نوّارة

ويا بني آدم، يا اللي باغي تعرف مالك
شوف الماضي ديالك وشوف فعالك
ولا تظن بلي الجبروت يعلي شانك
يمكن غلطة وحدة ترجع لك حسابك
سرّك فقاع البير وعند الشارب منو
بلا ما تلوم المحبوب إذا خاب ظنّو
ڭاع اللي كانوا حباب ما بقاو يحنّو
وكلشي مضّا سنّو

وخبّي سرّك المدفون يا اللي
عمرك ما ظنّيتي بلي
يمكن حبيبك اللي كان يولي
فدار العديان أسرارك يملي
وخبّي سرّك المدفون يا اللي
عمرك ما ظنّيتي بلي
يمكن حبيبك اللي كان يولي
فدار العديان أسرارك يملي

وخبّي سرّك يا اللي
ما ظنّيتي بلي
يمكن حبيبك يولي
ڭاع أسرارك يملي

يا ما حلمتي، دابا جا وقت الكوابيس
ملي كل الناس يعرفو اللي فالكواليس
وڭاع اللي قراب منك غيبانوا لك جواسيس
غادي يحكمك الشّك فحبس الوساويس

ويا الساقي جنانك بدموع المظلوم
ما جنيتي منها دابا غير الهموم
حكمت الاقدار ليوم تفضح المدفون
والتايق فالدنيا ملعون

وماشي كاع اللي باين
فالواقع هو اللي كاين
وشحال من صاحب خاين
في الفرصة كان يساين
وقلوب النّاس مقبرة الأسرار
ويا ويلو اللي دافن فيها العار
وبين الشر والخير ما يحتار
غير اللي اختار يلعب بالنّار

وخبّي سرّك المدفون يا اللي
عمرك ما ظنّيتي بلي
يمكن حبيبك اللي كان يولي
فدار العديان أسرارك يملي
وخبّي سرّك المدفون يا اللي
عمرك ما ظنّيتي بلي
يمكن حبيبك اللي كان يولي
فدار العديان أسرارك يملي

وخبّي سرّك يا اللي
ما ظنّيتي بلي
يمكن حبيبك يولي
ڭاع أسرارك يملي

وخبّي سرّك يا اللي
ما ظنّيتي بلي
يمكن حبيبك يولي
يا ڭاع أسرارك يملي