Songtexte Limbo - MzumO

Ich bin im Limbo ja weisch, warte'n uf Antwort vo Jobs
Wird langsam Summer und heiss, und ich wart uf en Antwort vo Gott
Ich wet en Song uf em 1, doch erwarte mer zu viel vom Drop
Wenn chunt ez entli de Hype wel det obe det gsehni nur Schrott

Ich schriibe'n E-Mails für nüt wel de Shit luegt ja kein ah, ah
Wenn du was wotsch vo de Lüüt Denn mach die Asimovs so wie Isaac, ah
Wird e so chalt, dass du gfrürsch, wel nume so erschiinsch starch, ah
Wenn du dich selber belüügsch ja Brüeder denn bisch en Maa
Hä? Was söll all de Bullshit ich chas nüme ghöre
D'Helfti vom Lebe scho luegi id Röhre
27gi doch fühl mi wie 6i
Paar Bier amne Abig ich fühl mi wi 60gi
Alli die Nächt ziehnd verbii wie im Flug
Söt mal studiere doch nimm na en Zug
Kollege'n ir Stadt aber ich na ir Agglo
S'isch wieder mal Cypher ich ghör nüt vom Pablo
Mal ufe mal abe, doch nie was uf sicher du gsehschs ide Gsichter
Ich schriibe min Name umschlunge vo Musig i tuusige Gschichte
Ich bin en Versager ich weiss scho
Bechum fast kei Gage doch scheiss druff
Ich han mi verfahre nach all dene Jahre, doch wer wet mich richte? Ha

Ich bin im Limbo ja weisch warte'n uf Antwort vo Jobs
Wird langsam Summer und heiss, und ich wart uf en Antwort vo Gott
Ich wet en Song uf em 1, doch erwarte mer zu viel vom Drop
Wenn chunt ez entli de Hype wel det obe det gsehni nur Schrott

Rewind, kei Ziit für en Deep Dive, bruche chli Me-Time
Ich het ja gern zrugggspuelt, aber luege nur wiiter und gli wird denn iiteilt
Ich wet uf die Billboards, bide Fels ide Brandig wide Vince Wilfork
Ja ich bliibe'n im Limbo
Du so: los mal mis Album, ich penn ii bim Intro hah
Gringos uf Schnee ide Zürcher Clubs
Es git nüt z'gseh wenn du s'Tüechli lupfsch
D'Lüüt sind vegan aber au voll verrupft
S'Gmüet porzellan wie ihre tüüri Schmuck
Ah, vilicht bin ich au nur niidisch uf das
Ihri Ignoranz isch au ihre Spass
Sie gebed Gas und ich bliibe nur stah
Ma ich hock uf em Gras ime Jahr denn parat

Ich bin im Limbo ja weisch warte'n uf Antwort vo Jobs
Wird langsam Summer und heiss, und ich wart uf en Antwort vo Gott
Ich wet en Song uf em 1, doch erwarte mer zu viel vom Drop
Wenn chunt ez entli de Hype
Mal ufe mal abe, doch nie was uf sicher, du gsehschs die Gsichter
Ich schriibe min Name umschlunge vo Musig i tuusige Gschichte
Ich bin en Versager ich weiss scho
Bechum fast kei Gage doch Scheiss druff
Ich han mi verfahre nach all dene Jahre, doch wer wet mich richte? ha
Ich bin im Limbo ja weisch warte'n uf Antwort vo Jobs
Wird langsam Summer und heiss, und ich wart uf en Antwort vo Gott
Ich wet en Song uf em 1, doch erwarte mer zu viel vom Drop
Wenn chunt ez entli de Hype wel det obe det gsehni nur Schrott