Ma mi

Serom in quatter col Padola
El Rodolfo, el Gaina e poeu mi
Quatter amis, quatter malnatt
Vegnuu-sù insemma compagn di gatt
Hemm faa la guerra in Albania
Poeu sù in montagna a ciapà i ratt
Negher, todesch de la Wermacht
Mi fan morire domà a pensagh
Poeu m'hann cataa in d'ona imboscada
Pugn e pesciad e 'na fusilada

Ma mi, ma mi, ma mi
Quaranta dì, quaranta nott
A San Vittor a ciapà i bott
Dormì de can, pien de malann
Ma mi, ma mi, ma mi
Quaranta dì, quaranta nott
Sbattuu de sù, sbattuu de giò
Mi son de quei che parlen nò

El Commissario ieri mattina
El m'ha mandaa a ciamà lì per lì
"Noi siamo qui, non sente alcun
El me diseva 'sto brutt teron
El me diseva li tuoi compari
Nui li pigliasse senza di te
Ma se parlasse io firmo qua
Il tuo congeod, la libertà
Tu si' 'nu fesso che sei contento
Di stare solo chiuso acca dentro"

Ma mi, ma mi, ma mi
Quaranta dì, quaranta nott
A San Vittor a ciapà i bott
Dormì de can, pien de malann
Ma mi, ma mi, ma mi
Quaranta dì, quaranta nott
Sbattuu de sù, sbattuu de giò
Mi son de quei che parlen nò

Son saraa sù in 'sta ratera
Piena de nebbia, de fregg e de scur
Sotta a 'sti mur passen i tramm
Frecass e vita del mè Milan
El coeur se streng, venn giò la sira
Me senti mal, e stoo minga in pee
Cucciaa in sul lett in d'on canton
Me par de vess propri nissun
L'è pegg che in guera stà su la terra
La libertà la var 'na spiada

Ma mi, ma mi, ma mi
Quaranta dì, quaranta nott
A San Vittor a ciapà i bott
Dormì de can, pien de malann
Ma mi, ma mi, ma mi
Quaranta dì, quaranta nott
Sbattuu de sù, sbattuu de giò
Mi son de quei che parlen nò

Mi parli no