Songtexte Schwan - QL

Ä Spange im Mu, ä Brüue im Gsicht,
Zöpfli u schlächt im Turnungerricht.
So mänge blöde Witz het si denn
über sech müesse lah gah.

Uf em Schueuwäg isch si geng alleini cho
U geng we mir si höch hei gno,
Het si die Gschicht verzeut
Vom graue Änteli
U was es de später isch gsi...

Refrain:
Ä Schwan so wiss wie Schnee,
Vergässe was isch gscheh, yeah
U d'Flügu trage si so wit,
Wöu's keni Gränze meh git...
Für dä Schwan so wiss wie Schnee.

Nach dr Schuel hani nümm vo're ghört,
Das hett mi de no mängisch gschtört.
I hätt ire doch so gärn gseit,
Das, wo denn isch gscheh,
äs tuet mer leid.

U grad vo letscht, da hock i ire Beiz,
Da seit ä Schtimm zu mir:
"Sälü, wie geit's?"

Träie mi um u ha si fasch
Nümm kennt
U wo si so vor mir schteit...
...chunnt's mer d'Sinn, was si denn het gseit.

Refrain
Ä Schwan so wiss wie Schnee,
Vergässe was isch gscheh, yeah
U d'Flügu trage si so wit,
Wöu's keni Gränze meh git...
Für dä Schwan so wiss wie Schnee.