Songtexte مليت - Qabaha

قرفت الكون قرفت الدنيا قرفت كلشي فيها
قرفت الظلم باسم العدل قرفت اكاذيب منماشيها
ولسا بداري فيها روحي و بواسيها
كلهم باعو الروح بفرح وانا اللّي بفرحي شاريها

يخلف علينا اللي عملنا بدل المعروف 100
ع منهج تقدير تربينا و انتو ع منهج ساديّة
مندوّر ع ناس تقدّر و انتو ع مصالح ماديّة
معكم وقت الشدة و انتو بتصفو حياديّة

منهج تخلف و اختلاف متاهة و التفاف
شهرة ب غباء و اظهار ارداف مبطنة الأهداف
ثقال بالأقوال لكن بالأفعال خفاف
بغذّو لسانهم ب مسبة و ضميرهم ب اعلاف

كرهت كل انسان حبني و كل انسان حبيتو
كرهت كل من خرب بيتي مع اني ما أذيتو
يمكن حبيتو بس هو بدون سبب كرهني
و يمكن بالغلط أذيتو بس هو ما بدّو ينبهني

اخطاء بتجر كثير افعال بتجر اسوء مواقف
حيطان مايلة وانا على حيلي واقف
فش عدالة بكون قاسي لذلك ملّيت
مش متمسّك بحبل آمال انا متمسك بخيط

اخطاء بتجر كثير افعال بتجر اسوء مواقف
حيطان مايلة وانا على حيلي واقف
فش عدالة بكون قاسي لذلك ملّيت
مش متمسّك بحبل آمال انا متمسك بخيط

يأس فوق يأس انقطع كل النفس
الضمير انفنس من الموت اشعار اقتبس
افكار روايات حرق هوايات
انتحار تمزيق بدايات بداية نهايات

دعايات بأفكار شيطانية عميقة
مجازات تعبير بين السطور غريقة
صبرت ع يأسي عمر ف سهل اصبر دقيقة
صداع أوهام في راسي اسوء من مرض الشقيقة

ما كان الي رفيق بفترة حزني غير قلم
وورقة بتبكي و بتنوح من كثر الألم
اللّي انكتب فيها ومن تعابير حزن و ندم
وكيف أكون سعيد لما اكتأب راس الهرم

مسؤول بايع و موظّف يا دوبو شاري
كلو بيتحاسب بس عند المسؤول وقّف حذاري
مش مناصب ف بتلقى الزلم بين الحواري
ما بدنا مناصب كل همنا رحمة الباري

ولسا اليأس بيني حالو جوّا الروح
مستوطن داخلياً ببني بجروح
ف قلي وين اروح ؟
ف كون كلو قاسي
كلو مآسي حزن واكتآب
و بعمل حالي ناسي

ولسا اليأس بيني حالو جوّا الروح
مستوطن داخلياً ببني بجروح
ف قلي وين اروح ؟
ف كون كلو قاسي
كلو مآسي حزن واكتآب
و بعمل حالي ناسي

قدرت و انأذيت اعطيت وجه و انخزيت
كلهم بقصور ظلم وانا ببني عدلي ف بيت
قالو كثير عنّي وانا ساكت ف ما استبينا
حييجي وقت استسلامكم و حرفع راية ما انتهينا

اكتفينا من افعالكم دمّرت البلاد
صفحاتكم بيضا بس أرواحكم غطّاها السواد
شانكم عظيم و صار رخيص دمّ العباد
ح يزول الاستعباد