Songtexte Sciummo - Roberto Murolo

Tu scinne
Sciummo, sciummo, sciummo
D' 'a muntagna
Io scenno
Ca 'na malasciorta
M'accumpagna
E ghiammo, ohè
Ll'ammore è sciummo ca se perde a mare

Tu cante: Tocche, tocche, tocche
Spaccalegna
A saccio nun ce sta 'na vocca cchiù sanguegna
E i' scenno, ohè
Chi perde 'ammore va cercanno 'o mare

Campana
Ca suone 'a copp'a 'stu cunvento
Tu siente
Ch'ha fatto chella faccia 'e santa?
Ajere, 'mbracci'a me, 'nu svenimento
Stasera vasa a 'n'ato e se n'avanta

Oje comme
Sona lenta e triste
'Na zampogna
Ca scenne
Sciummo, sciummo, sciummo
D' 'a muntagna
E ghiammo, ohè
Ll'ammore è sciummo ca se perde a mare
E 'nfunn' ô mare s'arreposa 'o core

E ghiammo, ohè
Chi perde 'ammore va cercanno 'o mare

Paese
Addò sò nato, i' te saluto
Te veco
Llà 'ncimma, sulo e abbandunato
E io 'nfamo, 'nfamo 'e me
Mme ne sò ghiuto
Te lasso pecché 'ammore m'ha lassato

Tu chiagne
Quase comm'a 'n'ommo
Ca se lagna
E i' scenno
Sciummo, sciummo, sciummo
D' 'a muntagna
E ghiammo, ohè
Ll'ammore è sciummo ca se perde a mare
E 'nfunn' ô mare s'arreposa 'o core