Songtexte Te voglio bene assaie - Roberto Murolo

Pecché quanno me vide
Te ′ngrife comm'a gatto?
Nennè, che t′aggio fatto
Ca no mme può vedè?
Io t'aggio amato tanto
Si t'amo tu lo saje
Io te voglio bbene assaje
E tu nun pienze a me
Io te voglio bbene assaje
E tu nun pienze a me
La notte tutte dormeno
Ma io che bbuò durmì!
Penzanno â nenna mia
Mme sento ascevolì
Li quarte d′ora sonano
A uno, a ddoje, a tre
Io te voglio bbene assaje
E tu nun pienze a me
Io te voglio bbene assaje
E tu nun pienze a me
Guardame ′nfaccia e vide
Comme song'arredutto:
Sicco, peliento e brutto
Nennella mia, pe′ tte!
Cusuto a filo duppio
Co tte me vedarraje
Io te voglio bbene assaje
E tu nun pienze a me
Io te voglio bbene assaje
E tu nun pienze a me
Quanno sò fatto cennere
Tanno me chiagnarraje
Sempe addimannarraje:
"Nennillo mio addò stà?"
La fossa mia tu arape
E llà me trovarraje
Io te voglio bbene assaje
E tu nun pienze a me
Io te voglio bbene assaje
E tu nun pienze a me