Songtexte Lila - Sanfara

Lila sket lila 7ess lila noum lila fless
Lila nestahda beleh w lila chwaten fiya tmes
Lila nkhaf men kelmet khouf w lila 9ad mafik nchouf
Lila nkhamem f dhourouf 7ata lin l mokh 7bes

Lila netfaker fi benti w lila nasher m3a weldi
3raft elila ma3na el kebda 3raf t3ab l ekher nfas
Lila mateghfeli 3in w lila nor9od kel bebe
Lila n9oul el wa9t wfe maw khater l9alb y7ess

Lila nbouss fi rass omi no93od barcha manchoufhech
Lila naamel fi mouzika nheb elila matoufche
Lila nbet fik nsali w lila n9oul ye rabi 3lech
Lila ena ahsen wehed w barcha lyeli maneswech

Lila nhes rou7i ghali w lila rkhis manetbe3
Lila fi farchi defi w lila bke lebdan ki je3
Lila mastour metheni w lila khabrek fi medhye3
Lila nheb enes m3aya w lila nheb n9oul wade3

Lila nebki ta7t ghta manhebech had yrani
Lila nbet fik ghrib ki 7asit rou7i barani
Lila heyem west ri7 wa9tech la3bed takhtani
Lila 3amel barcha jaw chera3 maw khayeb 9arani

Lila masekh lila nfidh lila smin w lila dh3if
Lila nekel lila n3if lila chte lila khrif
Lila mat3adich li choftou w lila t3adeha bel kif
Lila barcha 7osd w boghdh 3la 3sa 7esdou lekfif

Lila nheb w lila le lila n3ich la moubalet
Lila dh4t lila hwe w lila kif El marionette
Lila dmou3 kif chte w lila jaw fel hamamet
Lila yti7 fik 3me lila tetfaker li met

Lila tansa rouhek ghafel tetfaker ki yjik enoum
Lila tadh7ek jawek 7afel 9alou maandouch hmoum
Lila ta9ra fel 9or2en w khayef latot9od mat9oum
Lila theb tnasi rou7ek wa9tek maw feni maydoum

Lila frak w lila kemel lila f dar lila hemel
Lila peace ble mechekel lila tsem fi om e zemel
Lila nbet nestana sbe7 lila theb tor9od terte7
W lila mafihech sme7 khatrek 9omt menha dhemel

Lila 7abs lila 7or lila 7louw w lila mor
Lila tahki feha erabi khayef la la3bed tdhor
Lila mantaba3ch bnet arneb 3al 7alouf tkor
Lila bled lmousawet hateyek west la7for

W lila tet3ada fi 3am lila thebha matoufech
Lila tchem 100 gram t9oul l fa9r madhlamnech
Lila fik mouzika ghram w lila flous manansech
Lila njib ldar t3am w 1000 lila mafamech

Kol wehed 3andou lila w kol wehed 3ayech fi lila
Feha edhib yghour w lma7gour 9lil l7ila
Lila li 3ayechha erabi lila li nfa3 el 9abila
Lila toufa w mahma etoul tab9a dhawani 9alila