Kiska Rasta Dekhe

Kiska rasta dekhe aye dil aye saudayi
Meelon hai khaamoshi barson hai tanahaai
Bhuli duniya kabhi ki tujhe bhi mujhe bhi
Fir kyon aankh bhar aayi
Kiska rasta dekhe aye dil aye saudayi

Koi bhi saaya nahin raahon men
Koi bhi aega na baahon men
Tere liye mere liye koi nahin rone waala
Jhuthha bhi naata nahin chaahon men
Tu hi kyon duba rahe aahon men
Koi kisi sang mare aisa nahin hone waala
Koi nahin jo yun hi jahaan mein baante peer paraai
Kiska rasta dekhe aye dil aye saudayi

Tujhe kya beeti hui raaton se
Mujhe kya khoyi hui baaton se
Sej nahin chita sahi jo bhi mile sona hoga
Gayee jo dori chhuti haathon se
Lena kya chhoote hue saathon se
Khushi jahaan maangi tune wahin mujhe rona hoga
Na koi tera na koi mera
Fir kis ki yaad aayi
Kiska rasta dekhe aye dil aye saudayi
Meelon hai khaamoshi barson hai tanahaai
Bhuli duniya kabhi ki tujhe bhi mujhe bhi
Fir kyon aankh bhar aayi